«Krambambula» vypuskaje novy albom
«Naša Niva» «zmadelavała» budučy albom «Krambambuli», jaki aficyjna ŭ prodažy źjavicca 21 śniežnia. Pasłuchać aryhinały amal usich zamiežnych pieśniaŭ možna tut.
Krambambuli
Niamieckaja bałada, pa pryznańni Volskaha, śpiavać jaje biez papierki pakul ciažka — usio ž taki niamieckaja rytmika nie z prostych.
Whiskey in the Jar
Kłasičnaja irłandskaja pieśnia, jakuju śpiavali dziasiatki vykanaŭcaŭ ad Thin Lizzy da Metallica, chutka možna budzie pačuć i viersiju «Krambambuli».
Cicha woda
Polskaja pieśnia, jakuju ŭ svoj čas vykonvaŭ Edzi Rozner, zaraz hučyć jak stylovaje retra, popyt na jakoje z kožnym hodam usio padvyšajecca.
To nisu Jedra
Charvackaja pieśnia, pierakład jakoj užo źjaŭlaŭsia ŭ siecivie — u jakaści promaakcyi novaha alboma «Krambabuli»
Konopa
Słavackaja pieśnia pra kanopli, jakaja dziakujučy amatarskim klipam na sierviery YouTube nabyvaje druhoje žyćcio, praŭda, akcenty ŭ joj źmiaścilisia da vidavočnaha kirunku, jaki tak lubiać sieciŭnyja humarysty. Jakoj jana budzie ŭ vykanańni «Krambambuli» — daviedajemsia ŭ paniadziełak.