Telekanał Euronews byŭ adklučany ŭ sietkach MTIS u Minsku 1 studzienia 2012 h. u 00:02.
Z 1 studzienia abanienty MTIS, najbujniejšaha apieratara kabielnaha telebačańnia, pasłuhami jakoha karystajucca kala 80% žycharoŭ stalicy, nie zmohuć hladzieć papularny kanał Euronews. Zamiest jaho ŭ efiry źjavicca kanał «NTV+ Kinaplus».
U infarmacyjnaj słužbie MTIS paviedamlajuć, što «takoje rašeńnie było pryniata kiraŭnictvam», nie ŭdakładniajučy pryčyny.
Padčas adklučeńnia rasijskaha telekanała TNT u mai 2011 hoda jon niekalki miesiacaŭ zastavaŭsia ŭ ličbavym pakiecie kanała, jaki tranślavaŭsia ŭ testavym režymie. Euronews ža budzie adklučany całkam.
Euronews zastavaŭsia adzinym niezaležnym navinnym telekanałam, jaki svabodna tranślavaŭsia ŭ Minsku. U našaj krainie viaščała rasijskaja redakcyja kanała, niadaŭna svaja słužba była adkryta i va Ukrainie.
Telekanał davaŭ infarmacyju pra značnyja palityčnyja padziei ŭ žyćci krainy — masavyja zatrymańni padčas akcyj pratestu, sudy nad palityčnymi viaźniami.
Siarod inšych kanałaŭ, jakija buduć adklučanyja — 7TV, TV RAY. Zamiest ich źjaviacca TV3, TV 1000 Action. A na kanale 8-ha kanała ŭnačy budzie iści Fashion One.
Kab adklučycca ad pasłuh MTISa, možna pazvanić pa numaru218-09-09 i pakinuć svaju zajaŭku.
U Biełarusi niama niezaležnaha telebačańnia. Usie telekanały kantralujucca łukašenkaŭcami i ich absłuhoŭvajuć. Adziny niezaležny telekanał «Biełsat» dastupny tolki ŭłaśnikam spadarožnikavych anten.