Biełaruski hvałtaŭnik-piedafił asudžany ŭ Polščy 3

Małodšaj ź ich było 11 hadoŭ. Za kratami 40-hadovy mužčyna praviadzie 4 hady. Ab hetym paviedamlaje Kurier Poranny.

Prakuratura patrabavała, kab biełarus byŭ asudžany za hvałt nad 14-hadovaj dziaŭčynkaj i sprobu hvałtu nad 11 i 17-hadovymi dziaŭčynkami. Adnak sud pryniaŭ rašeńnie pryznać, što mužčyna vinavaty tolki ŭ sprobie hvałtu.

Mužčyna pryjazdžaŭ u Biełastok za zakupami.

Svaich achviar jon znachodziŭ na prypynkach pryharadnaha transparta Biełastoka, siłaj sadžaŭ u mašynu i vyvoziŭ u les.

Pieršy napad adbyŭsia ŭviesnu 2010 hoda, praź niekalki miesiacaŭ Alaksandr sprabavaŭ zhvałtavać dvuch dziaŭčynak 11 i 17 hadoŭ. Na ščaście, im udałosia źbiehčy. Starejšaja zapisała rehistracyjny numar aŭtamabila, dziakujučy čamu biełarusa ŭ śniežni minułaha hoda złavili.

Alaksandr śćviardžaŭ, što prosta chacieŭ padvieźci dziaŭčynak.

Adnak ekśpierty paličyli, što jon maje schilnaść da piedafilii. Možna skazać, što biełarus pavinien być zadavoleny rašeńniem sudu. Pieršapačatkova jamu pahražała da 15 hadoŭ turmy. Paśla adbyćcia pakarańnia mužčyna, mahčyma, budzie źmieščany ŭ zakrytuju ŭstanovu dla ludziej z seksualnymi adchileńniami.

Jeŭraradyjo

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH