Biełaruskaja kalijnaja kampanija abjaviła pra adstaŭku hiendyrektara Uładzimira Nikałajenki 2

Biełaruskaja kalijnaja kampanija 6 studzienia abjaviła ab spynieńni paŭnamoctvaŭ Uładzimira Nikałajenki jak hienieralnaha dyrektara kampanii pa ŭzhadnieńni bakoŭ.

Jak paviedamlaje pres-słužba BKK, vykonvajučym abaviazki hienieralnaha dyrektara pryznačany Michaił Kaśko, jaki źjaŭlajecca namieśnikam hienieralnaha dyrektara pa łahistycy i frachcie.

Nikałajenka ŭznačalvaŭ ZAT «BKK» z krasavika 2005 hoda

 — času zasnavańnia kampanii. Za hety čas BKK zaniała lidzirujučyja pazicyi na suśvietnym rynku ekspartu kalijnych uhnajeńniaŭ. Rynačnaja dola kampanii dasiahnuła 43%.

2011 hod staŭ rekordnym u dziejnaści BKK. Ahulny abjom vyručki vytvorcaŭ ad ekspartu kalijnych uhnajeńniaŭ skłaŭ 5,3 młrd. dołaraŭ ZŠA, ahulny abjom ekspartu — 12,9 młn. ton.

Pavodle infarmacyi pres-słužby, paśla zakančeńnia pracy ŭ ZAT «BKK» Nikałanieka skancentrujecca na realizacyi prajektaŭ, jakija nie majuć dačynieńnia da dziejnaści kampanii.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH