Minpryrody vystupiła ŭ abaronu parku imia 40-hodździa Kastryčnika ŭ Minsku 4

Ministerstva pryrodnych resursaŭ i achovy navakolnaha asiarodździa Biełarusi ličyć nieabchodnym maksimalna zachavać terytoryju minskaha parku imia 40-hodździa Kastryčnika pry budaŭnictvie hatela «Piekin».

Adpaviedny list za podpisam kiraŭnika Minpryrody Uładzimira Całko adpraŭleny 10 studzienia na imia staršyni Minharvykankama Mikałaja Ładućki.

Jak paviedamiła pres-sakratar Minpryrody Alena Pieniaź, u liście zaznačajecca, što raspracavany prajekt detalovaha płanavańnia terytoryi ŭ miežach vulic Uljanaŭskaja, Pieršamajskaja, Pulichava, Smalenskaja i Lenina praduhledžvaŭ stvareńnie parku imia 40-hodździa Kastryčnika ahulnaj płoščaj 7,6 ha z dapuščalnaj zabudavanaściu da 40%.

U składzie hetaha płana schiema zabudovy nie raspracoŭvałasia, nie byli vyznačany abjekty, płanujemyja da raźmiaščeńnia ŭ prajektavanych miežach.

Architekturny prajekt zabudovy zhadanaj terytoryi na dziaržaŭnuju ekałahičnuju ekśpiertyzu nie pastupaŭ. Učastak pad budaŭnictva novaha hatela vydzieleny ŭnutry parku, što nie dazvalaje zachavać jaho navat častkova.

Pieniaź paviedamiła, što raniej pa prapanovie Minpryrody haradskimi ŭładami byli pryniatyja rašeńni ab admienie budaŭnictva restarana na terytoryi hetaha parku, a taksama ab niedapuščeńni ruchu ŭ im aŭtatranspartu.

Dla vyrašeńnia hetaj i niekatorych inšych prablem Minpryrody prapanoŭvaje Minharvykankamu pravieści naradu z udziełam zacikaŭlenych dziaržorhanaŭ i arhanizacyj.

Jak raniej paviedamlaŭ BiełaPAN, prajekt budaŭnictva hatelnaha kompleksu «Piekin» praduhledžvaje źniščeńnie bolš jak 300 dreŭ i zabudovu kala 70% terytoryi parku imia 40-hodździa Kastryčnickaj revalucyi. Kala dvuch dziasiatkaŭ dreŭ užo źniščany.

Suprać źniščeńnia parku vystupili miascovyja žychary i ekołahi. Jany prapanoŭvajuć uładam i inviestaram pieranieści «Piekin» na terytoryju raźmieščanaha pobač niedabudavanaha zavoda imia Kirava, a park — zachavać. Abaroncy parku ŭžo źviartalisia ŭ Administracyju prezidenta, asabista da staršyni Minharvykankama Mikałaja Ładućki, u Kamitet dziaržkantrolu, administracyju Leninskaha rajona Minska, Dziaržaŭnuju inśpiekcyju achovy žyviolnaha i raślinnaha śvietu, Biełaruskaje tavarystva Čyrvonaha Kryža, u Pałatu pradstaŭnikoŭ. Bolš jak 400 čałaviek padpisalisia pad adpaviednym zvarotam na imia Alaksandra Łukašenki.

5 studzienia pradstaŭnikam hramadskaści ŭdałosia prypynić vysiečku dreŭ u parku, ale aktyvisty apasajucca, što raboty mohuć adnavicca ŭ luby čas.

Taćciana Karaviankova, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH