Fota Auto.onliner.by
Trahiedyja adbyłasia ŭ čaćvier pad Viciebskam, na aŭtadarozie Viciebsk — Haradok, u rajonie vioski Davydaŭka. Kala hadziny dnia žančyna, jakaja jechała za rulom aŭtamabila «Opiel Ahiła», nie spraviłasia z kiravańniem. Mašyna źjechała ŭ kiuviet, urezałasia ŭ dreva. Kiroŭca śmiarotna traŭmavanaja.
— Niedaloka ad miesca trahiedyi znachodzicca prypynak hramadskaha transpartu. Tam byli ludzi, jakija bačyli, što žančyna rezka krutanuła rul, kab nie najechać na sabaku, što raptam vyskačyŭ na darohu, — raspaviała načalnik adździeła ahitacyi i prapahandy UDAI UUS Viciebskaha abłvykankama Alesia Siarohina. — Mahčyma, svaju rolu adyhrali i składanyja ŭmovy nadvorja, mocny śniehapad.
Žančyna, vykładčyk kaledža, zahinuła na miescy avaryi. Joj było 42 hady. U aŭtamabili jana znachodziłasia adna, bolš u vyniku avaryi nichto nie paciarpieŭ.
