U SND pačynajecca padrychtoŭka da śviatkavańnia... 70-hodździa Pieramohi ŭ vajnie 7

24 studzienia ŭ Vykanaŭčym kamitecie SND u Minsku projdzie pasiadžeńnie ekśpiertnaj hrupy pa ŭzhadnieńni prajekta rašeńnia ab padrychtoŭcy da śviatkavańnia 70-j hadaviny Pieramohi savieckaha naroda ŭ Vialikaj Ajčynnaj vajnie 1941–1945 hadoŭ.

Dakumient uniesieny kaardynacyjnym savietam mižnarodnaha sajuza «Sadružnaść hramadskich arhanizacyj vieteranaŭ (piensijanieraŭ) niezaležnych dziaržaŭ».

Jak paviedamiła pres-słužba Vykankama, prajektam praduhledžvajecca rekamiendavać krainam SND raspracavać i pryniać nacyjanalnyja prahramy pa padrychtoŭcy i śviatkavańni jubileju Pieramohi, a taksama pamiatnych padziej Vialikaj Ajčynnaj vajny z udziełam šyrokich słajoŭ nasielnictva. Pry hetym u dziaržavach Sadružnaści budzie praciahvacca praca pa arhanizacyi štohadovaha śviatkavańnia 9 Maja — Dnia Pieramohi — jak śviaščennaha ŭsienarodnaha śviata.

Srodkam masavaj infarmacyi pradpisvajecca bolš poŭna aśviatlać histaryčnuju praŭdu pra Vialikuju Ajčynnuju vajnu i podźvihi savieckich voinaŭ u baraćbie z zachopnikami, mierapryjemstvy pa śviatkavańni 70-hodździa vyrašalnych bitvaŭ, supraćstajać sprobam falsifikacyi historyi.

Pavinna być aktyvizavana praca pa zachavańni i ŭšanavańni pamiaci ab mužnaści i hieraiźmie narodaŭ SSSR, prajaŭlenych u vajennyja hady.

U prajekcie rašeńnia

havorycca taksama ab zasnavańni adzinaha hanarovaha ordena «70 hadoŭ Pieramohi savieckaha naroda ŭ Vialikaj Ajčynnaj vajnie 1941–1945 hadoŭ».

Pavodle tradycyi, u miežach SND budzie raspracavany i pryniaty ahulny płan asnoŭnych mierapryjemstvaŭ pa padrychtoŭcy i śviatkavańni 70-j hadaviny Pieramohi.

Miarkujecca, što paśla kančatkovaha ŭzhadnieńnia ekśpiertami prajekt rašeńnia budzie va ŭstanoŭlenym paradku ŭniesieny na razhlad Savieta kiraŭnikoŭ dziaržaŭ Sadružnaści.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH