U tureckaj Anatalji Hieorhij Kandraćjeŭ pravioŭ pieršuju sustreču ŭ jakaści hałoŭnaha treniera zbornaj Biełarusi. Pieršapačatkova płanavałasia, što supiernikam buduć armianie, ale jany admovilisia hulać na tureckaj terytoryi, zatoje pahadzilisia maładavanie.
Da hetaha našy kamandy sustrakalisia piać razoŭ. Dvojčy pieramahali našy, stolki ž supierniki, jašče adzin raz była zafiksavanaja ničyja.
Jašče sustreča była admietnaja debiutam u nacyjanalnaj kamandzie naturalizavanaha brazilca Renana Bresana. Jon vyjšaŭ u startavym składzie, jak jašče adzin debiutant zbornaj Dźmitryj Kamaroŭski. Hulec «Šachciora» zamianiaŭ traŭmavanych forvardaŭ Radzivonava i Karnilenku.Tranślacyi sustrečy nie było ni na telebačańni, ni ŭ internecie. Nibyta zbornaja i balelščyki žyvuć u paralelnych śvietach. Kali vieryć ahladalniku sajta liveresult.ru, to matč byŭ vielmi panyłym. Kamandy nie zmahli navat stvaryć choć kolki niebiaśpiečnych momantaŭ.
Tolki naprykancy sustrečy małdavanie trochu ažyvilisia, ale biełarusaŭ vyratavaŭ varatar. Matč tak i skončyŭsia sumnyja nulami. Moža, dobra, što zaŭziatary tak i nie pabačyli sustrečy?
Debiut Kandraćjeva i Bresana atrymalisia nie samymi jarkimi. Ale ž pieršy blin možna i sabaku. Nastupnyja sustrečy našy praviaduć u červieni ź Litvoj i Azierbajdžanam. Pajadynki taksama buduć mieć tavaryski status.
