U Ńju-Jorku planujuć zabaranić razmovy pa mabilnych telefonach i słuchańnie płejeru padčas pierachodu vulicy. Parušalnikam daviadziecca zapłacić štraf 100 dalaraŭ.
Uvieści takuju zabaronu prapanavaŭ senatar štatu Ńju-Jork Karł Krudžer (Carl Kruger). Jon zajaviŭ, što z-za elektronnych prystasavańniaŭ ludzi nia mohuć ani bačyć, ani čuć nabližeńnia aŭtamabilaŭ, tamu karystańnie telefonami, płejerami dy hulniavymi prystaŭkami na darozie supiarečyć zdarovamu sensu.
U jakaści abhruntavańnia zabarony senatar nahadaŭ pra hibiel 21-hadovaha chłopca, jaki słuchaŭ muzyku, kali pierachodziŭ darohu, i trapiŭ pad aŭtobus letaś u vieraśni. Hetaksama zahinuŭ 23-hadovy słuchač iPod'a ŭ studzieni.
Džejsan Kopeł (Jason Koppel), načalnik štabu Krudžera, adznačyŭ što piešachody prosta musiać buduć vymać navušniki z vušej na tyja niekalki sekundaŭ, jakija spatrebiacca dla pierachodu vulicy. Nia bolš za toje.
