15 hadoŭ za kulturna-aśvietnickija imprezy
Dva supracoŭniki mahiloŭskaha Kamitetu dziaržaŭnaj biaśpieki naviedalisia ŭ Mahiloŭski dziaržaŭny ŭniversytet, kab dapytać studenta pieršaha kursu histaryčnaha fakultetu Stanisłava Kavaleŭskaha.
Sam spadar Kavaleŭski nia moža patłumačyć, čym jon zacikaviŭ KDB. Jon nie źjaŭlajecca siabram moładzievych arhanizacyjaŭ — tolki časam naviedvaje kulturna-aśvietnickija imprezy.
U aŭdytoryju, dzie znachodzilisia dvoje supracoŭnikaŭ KDB, studenta pryvioŭ vykładčyk. Voś što było dalej, pavodle spadara Kavaleŭskaha:
“Jany pradstavilisia, heta byli supracoŭniki KDB. Jany skazali, što mnoj zacikaviŭsia polski Interpoł. Majo imia znachodzicca ŭ śpisach polskich hramadzkich abjadnańniaŭ. Jašče ja źjaŭlajusia adnym sa šmatlikich studentaŭ, jakija ŭ perspektyvie mohuć navučacca ŭ polskich universytetach. Jany skazali: tabie pahražaje ad dziesiaci da piatnaccaci hadoŭ za špijanaž”.
Padčas hutarki supracoŭniki KDB damahalisia ad Stanisłava Kavaleŭskaha śpisaŭ ludziej, jakija časta naviedvajuć zamiežža. Pakul reakcyi z boku rektaratu pa naviedvańni supracoŭnikami KDB ŭniversytetu niama, Kavaleŭski ž šukaje dapamohi ŭ pravaabaroncaŭ.
