Pa stanie na 9 krasavika pakazčyk zachvorvańnia na vostryja reśpiratornyja infiekcyi ŭ Biełarusi rehistrujecca na 9,2% vyšej za letašni ŭzrovień.Jak paviedamlajecca na aficyjnym sajcie Respublikanskaha centra hihijeny, epidemijałohii i hramadskaha zdaroŭja, u struktury zachvareŭšych pieravažajuć dzieci — 63,2% ad usich, chto źviarnuŭsia da ŭrača.
Pry hetym u cełym zachvorvańnie na VRI ŭ Biełarusi znachodzicca na nieepidemičnym uzroŭni. Vyniki łabaratornaha manitorynhu ŭ Biełarusi
Pavodle danych Jeŭrapiejskaha rehijanalnaha biuro Suśvietnaj arhanizacyi achovy zdaroŭja, va ŭsim rehijonie častata zvarotaŭ pa miedycynskuju dapamohu ŭ suviazi z VRI praciahvaje źnižacca: tolki piać krain paviedamlajuć, što kolkaść chvorych pieravyšaje parohavyja značeńni, taksama źniziłasia kołlkaść vyjaŭleńnia vypadkaŭ hrypu. Daminantnym virusam u cyrkulacyi praciahvaje zastavacca virus hrypu A(H3N2). Pry hetym adznačajecca niekatoraje pavieličeńnie kolkaści vypadkaŭ vyjaŭleńnia virusa hrypu V i niekalki vypadkaŭ vyjaŭleńnia virusa hrypu A(H1N1), jaki vyklikaŭ pandemiju ŭ 2009 hodzie.
U Rasii na minułym tydni byli zarehistravanyja pieravyšeńni epidemičnych parohaŭ zachvorvańnia na hryp i VRVI u Vialikim Noŭharadzie, Arenburhu, Tomsku, Uładzivastoku i Birabidžanie.
