Daśledniki znajšli novyja dokazy taho, što niedastatkovy son moža pavysić ryzyku zachvorvańnia na atłuścieńnie i dyjabiet.
Pra heta śviedčać vyniki daśledavańnia, apublikavanyja ŭ Science Translational Medicine. Navukoŭcy trymali 24 dobraachvotnikaŭ – mužčyn i žančyn – i łabaratoryi snu na praciahu 39 dzion. Paśla pieršaj stadyi -- narmalnaha snu -- udzielnikaŭ ekśpierymientu pieraviali na admysłovy raskład, pavodle jakoha jany spali 5,6 hadzin i pravodzili biez snu 21,5 hadzin. Heta praciahvałasia try tydni, paśla čaho ŭdzielniki mieli 9 dzion na viartańnie da narmalnaha snu.
U hrupy z parušanym snom było vyjaŭlena ŭ siarednim 27-pracentnaje pavyšeńnie vydzialeńnia insulinu paśla jady i vyšejšy ŭzrovień utrymańnia hlukozy na praciahu daŭžejšaha času, jaki časam dachodziŭ da pakaźnikaŭ pieraddyjabietnaha stanu.
0
0
0
0
0
0
