U paboiščy na hulni 1-j lihi ŭdzielničali kala paŭsotni čałaviek.
U Kobrynie (Bresckaja vobłaść) na miascovym stadyjonie, dzie siońnia prachodzić matč pamiž futbolnymi kłubami «Biaroza — 2010» i «Haradzieja» adbyłasia masavaja bojka futbolnych zaŭziataraŭ.
U 16.10, na 10-j chvilinie matču fanaty kamandy «Biaroza-2010» z krykami «Antyfa!» prajšli pa biehavoj darožcy pola mima trybuny zaŭziataraŭ kamandy sapiernika. Jany byli atakavanyja fanatami z Kobryna.
Bojka, jakaja adbyvałasia na biehavoj darožcy stadyjona prama nasuprać varot, doŭžyłasia niekalki chvilin. U paboiščy ŭdzielničali kala paŭsotni čałaviek.
Sudździa vymušany byŭ spynić matč. Dźvie-try chviliny spatrebiłasia supracoŭnikam milicyi, kab razbaranić udzielnikaŭ bojki. U niekatorych zaŭziataraŭ u kroŭ raźbityja tvary. U zatrymańni ŭdzielničali ad 20 da 30 milicyjanieraŭ.
Adrazu paśla zatrymańnia fanataŭ hulnia adnaviłasia (2:1). Kali na pieršy tajm na ŭvachodzie na stadyjon u zaŭziataraŭ praviarali tolki sumki, to paśla incydentu ŭsich, chto išoŭ na matč, staranna, z noh da hałavy, abšukvaje milicyja.