U Dziaržaŭnym historyka-litaraturnym i pryrodna-łandšaftnym zapaviedniku A.S. Puškina “Michajłaŭskaje” (Puškinahorski rajon Pskoŭskaj vobłaści, Rasijskaja Fiederacyja) adčyniłasia vystava “Janka Kupała i Jakub Kołas – biełaruskija pieśniary”, prymierkavanaja da 130-hodździa z dnia naradžeńnia kłasikaŭ biełaruskaj litaratury.Prajekt ździejśnieny pry finansavaj padtrymcy Ministerstva kultury Biełarusi.
Vystava znajomić z tvorčaściu Janki Kupały i Jakuba Kołasa ŭ kantekście rasiejskaj i suśvietnaj litaratury, adlustroŭvaje hieahrafiju sustreč i siabroŭstva narodnych paetaŭ Biełarusi z rasiejskimi piśmieńnikami. Raznastajnyja muziejnyja kalekcyi najstarejšych litaraturnych muziejaŭ Respubliki Biełaruś dajuć mahčymaść prajści šlachami Janki Kupały i Jakuba Kołasa na rasiejskaj ziamli.
Na vystaŭcy ekspanujucca ilustracyi da tvoraŭ pieśniaroŭ znakamitych biełaruskich mastakoŭ Hieorhija Papłaŭskaha, Arlena Kaškureviča, Michaiła Basałyhi, Vasila Šaranhoviča, Janki Ramanoŭskaha, Anatola Aleksandroviča, Łazara Rana, Barysa Zaborava, Juryja Zajcava, Hieorhija Hramyki, Jaŭhiena Cichanoviča, Eduarda Ahunoviča, raboty jakich uvajšli ŭ załaty fond biełaruskaj knižnaj hrafiki XX – pačatku XXI stahodździa.
Asobnaja častka ekspazicyi vystaŭki pryśviečana temie «Biełaruskija pieśniary i Alaksandr Puškin», daminantaj jakoj źjaŭlajecca pierakład Janki Kupały znakamitaj paemy Alaksandra Puškina «Miedny końnik», zrobleny da 100-hodździa z dnia śmierci paeta.
