Aleś Šamiakin.
U 2009 hodzie minčuk Aleś Šamiakin skončyŭ histfak BDU. Vučyŭsia jon dobra, u jaho zalikoŭcy bahata «dziaviatak» i «vaśmiorak». A dypłom na temu «Libieralizm u sučasnaj Rasii» abaraniŭ na «10».
Atrymaŭšy siertyfikat ab vyšejšaj adukacyi, jak «biudžetnik» jon musiŭ ci adpracavać dva hady pa raźmierkavańni, ci pastupać u mahistraturu, ci spłacić hrošy za ŭsie 5 hod navučańnia.
Maładyhistoryk-palitołah padaŭ dakumienty ŭ mahistraturu Jeŭrapiejskaha humanitarnaha ŭniviersiteta ŭ Vilni na śpiecyjalnaść «Demakratyja i hramadzianskaja supolnaść».
Letam ščaślivy vypusknik uładkoŭvaŭ nieabchodnyja farmalnaści pa dalejšaj vučobie.
Zastavałasia adno padpisać zajavu ŭ dekanacie.
Kali ž na pačatku vieraśnia chłopiec pryjšoŭ da dekana histfaka Siarhieja Chodzina, to pačuŭ litaralna nastupnaje:
«Tam, dzie jość nazva EHU, ja svoj podpis nie pastaŭlu. Jany dla nas «inšapłanietniki».
Azadačany słovami dekana,
Aleś Šamiakin padaŭsia ŭ adździeł kadraŭ BDU. Tam na jaho ździŭlena pahladzieli i pakazali stos zajavaŭ na navučańnie ŭ zamiežnych mahistraturach,padpisanych inšymi dekanami.
Chłopiec znoŭ pajšoŭ da dekana. Ale
Chodzin nie zdavaŭsia: «Chaj adździeł kadraŭ daść mnie piśmovy dazvoł pastavić podpis». Naturalna, «kadraviki» hetaha nie zrabili, bo nie majuć na toje paŭnamoctvaŭ.
Aleś abivaŭ parohi «alma mater» niekalki dzion. Nie atrymaŭšy žadanaha podpisa, chłopiec zarehistravaŭ zajavu ŭ kancylaryi ŭniviersiteta i źjechaŭ na vučobu ŭ Vilniu.
Praź niekalki miesiacaŭ Šamiakin atrymaŭ list z BDU z patrabavańniem spłacić 30 miljonaŭ rubloŭ za vučobu va ŭniviersitecie.
Ministerstva adukacyi, kudy chłopiec skiravaŭ zapyt z prośbaj razabracca ŭ situacyi, dało farmalnuju adpisku: chaj vyrašaje sud.
Pieršaje sudovaje pasiedžańnie pa pazovie BDU ab spahnańni hrošaj adbyłosia ŭ kastryčniku 2010 hoda. Sudździa Savieckaha rajona Minska Alena Łuchvierčyk zahadała bakam vyrašyć prablemu ŭ pazasudovym paradku.
Sudździa nie pryniała pazoŭ BDU, bo Aleś, daznaŭšysia pra štraf, prasiŭ prarektara BDU raźmierkavać siabie. Prośbu nie zadavolili. Sudździa razvažyła: adkazčyk sprabavaŭ mirna razabracca — pazoŭnik nie zachacieŭ,a tamu pytańnie zdymajecca.
«Pakryŭdžany» ŭniviersitet padaŭ kasacyjnuju skarhu ŭ Minski haradski sud. Spravu adpravili na pierasud, a sudździa Łuchvierčyk, jakaja pryniała rašeńnie na karyść chłopca, atrymała zaŭvahu.
U kancy sakavika 2012 hoda sud Savieckaha rajona h. Minska zadavoliŭ pazoŭ BDU da byłoha studenta ab spahnańni srodkaŭ na navučańnie.
My zapytali ŭ dekana histaryčnaha fakulteta Siarhieja Chodzina, čamu jon nie padpisaŭ zajavy byłoha studenta.
«Ja jak dekan u dadzienym vypadku nie maju paŭnamoctvaŭ padpisvać niejkija adterminoŭki…Ja ŭžo dziesiać hadoŭ jak dekan i dobra viedaju svaje pravy», — skazaŭ Chodzin.
Pry hetym,
jon nie admaŭlaje, što, kali b u zajavie Šamiakina značyŭsia nie EHU, a inšaja navučalnaja ŭstanova, jon pastaviŭ by svoj podpis.
Pa słovach Chodzina, sapraŭdny patryjot pavinien adpracavać pa raźmierkavańni.Dekan pryvioŭ ułasny prykład: «Ja voś taksama adpracavaŭ u vioscy try hady… Z radaściu ŭzhadvaju toj čas. Potym ja pastupiŭ u aśpiranturu, vučyŭsia. Dziakuj boku, dekan fakulteta».
Kali ž student źjedzie za miažu, kaža Chodzin, to chto parupicca pra «padatkapłatnikaŭ, jakija nie ź vielmi vialikich zarobkaŭ płacili padatki, kab ty atrymlivaŭ u hetaj krainie adukacyju»?
28 červienia Alesia Šamiakina čakavaje čarhovaje, užo dziasiataje sudovaje pasiedžańnie. Kali sprava vyrašycca na karyść univiersiteta, chłopcu daviadziecca viarnuć hrošy za navučańnie.
