Biełaruś na «Słavianskim bazary» pradstavić Jaŭhien Słavič 5

Biełaruski ŭdzielnik 21-ha mižnarodnaha konkursu vykanaŭcaŭ estradnaj pieśni «Viciebsk-2012» Jaŭhien Słavič budzie vystupać na konkursie pad numaram vosiem.

Heta stała viadoma pa vynikach losavańnia, jakoje prajšło 13 lipienia ŭ Viciebskaj abłasnoj fiłarmonii ŭ ramkach kancerta-prezientacyi konkursu.

Padčas losavańnia ŭdzielnikam prapanoŭvałasia vybrać hadzińnik, na jakim byŭ paznačany numar vystupu na konkursie. Na kancercie-prezientacyi Jaŭhien Słavič vystupaŭ pieršym.

Konkurs projdzie 14 i 15 lipienia ŭ Letnim amfiteatry ŭ Viciebsku ŭ ramkach XXI Mižnarodnaha fiestyvalu mastactvaŭ «Słavianski bazar u Viciebsku». Pieramožca stanie viadomy 16 lipienia.

Usiaho ŭ konkursie voźmuć udzieł 21 čałaviek z 21 krainy.

Sudziejskuju kalehiju ŭznačalvaje rasijski kampazitar Maksim Dunajeŭski, ad Biełarusi ŭ žury ŭvajšoŭ Alaksandr Cichanovič.

U intervju BiełaPAN Cichanovič adznačyŭ, što na kancercie-prezientacyi jamu spadabalisia ŭsie ŭdzielniki, ale vyznačyć favaryta pakul ciažka. Da taho ž, adznačaje artyst, siońnia ŭdzielniki pradstaŭlali tolki vizitku, a zaŭtra «ŭ ich za plačami budzie ściah ich krainy». Cichanovič ličyć, što na konkursie vykanaŭcy mohuć pieraniervavacca i praśpiavać zusim inakš. Da taho ž na praciahu troch dzion udzielniki vykonvajuć roznyja kampazicyi.

Cichanoviču biełaruski ŭdzielnik i jaho vakalnyja dadzienyja spadabalisia, praŭda, na jaho dumku, Jaŭhien Słavič «krychu bajaźlivy».

Uładalnik Hran-pry konkursu atrymaje ŭ padarunak 15 tys. dołaraŭ, I premii — 9 tys., II premii — 6 tys., III premii — 3 tys.

*** Jaŭhien Słavič naradziŭsia 18 krasavika 1989 h. u Škłovie, na scenie z 14 hadoŭ. Vypusknik Minskaha dziaržaŭnaha kaledža mastactvaŭ (adździaleńnie estradnaha majsterstva), vučyŭsia ŭ Biełaruskim dziaržaŭnym univiersitecie kultury i mastactvaŭ. Vystupaŭ u składzie ansambla Vivat. Łaŭreat III premii IX Respublikanskaha konkursu estradnych vykanaŭcaŭ «BIEŁazaŭski akord» u 2010 hodzie, łaŭreat III premii Respublikanskaha konkursu maładych vykanaŭcaŭ estradnaj pieśni XI Nacyjanalnaha fiestyvalu biełaruskaj pieśni i paezii «Maładziečna-2011», łaŭreat Respublikanskaha tvorčaha konkursu «Maładyja talenty Biełarusi».

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH