Anarchist Ihar Alinievič u navapołackaj kałonii № 10 pastaŭleny na prafiłaktyčny ŭlik. Ab hetym jon raskazaŭ u telefonnaj razmovie svajoj maci Valancinie Alinievič.
Jak paviedamiła maci źniavolenaha, telefonnaja razmova adbyłasia 14 lipienia. «Heta byŭ usiaho treci zvanok z kałonii. Ihar skazaŭ, što jamu dva tydni tamu nastojliva prapanoŭvali napisać prašeńnie ab pamiłavańni na imia prezidenta. Jon heta rabić admoviŭsia. Paśla hetaha jaho pamiaścili na dva tydni ŭ štrafny izalatar. I ŭžo ŭ ŠIZA stała jamu viadoma ab pastanoŭcy ŭ kałonii na prafiłaktyčny ŭlik», — raskazała Valancina Alinievič.
Pavodle słoŭ maci źniavolenaha, Ihar patelefanavaŭ joj adrazu paśla vychadu z ŠIZA. «Jon patłumačyŭ, što na prafiłaktyčny ŭlik jaho pastavili ŭ suviazi z tym, što jon nibyta schilny da napadu i ŭciokaŭ», — pieradała Valancina Alinievič słovy syna.
Jana adznačyła, što «ŭsie niepryjemnaści ŭ Alinieviča pačalisia ŭ apošnija miesiacy».«Jon adsiedzieŭ biez asablivych prablem u kałonii amal hod. I nijakich prablem nie ŭźnikała. I tut, za apošni miesiac, u jaho pačalisia niejkija spahnańni, parušeńni, jon byŭ pryznany złosnym parušalnikam režymu, ciapier pastaŭleny na prafiłaktyčny ŭlik. Heta značyć na jaho raptoŭna ŭzmacniŭsia nacisk», — ličyć Valancina Alinievič.
***
27 maja 2011 hoda sud Zavodskaha rajona asudziŭ Alinieviča pa č. 2 art. 339 (złosnaje chulihanstva) i č. 2, 3 art. 218 (naŭmysnaje źniščeńnie abo paškodžańnie majomaści) Kryminalnaha kodeksa. Jon byŭ pryhavorany da vaśmi hadoŭ pazbaŭleńnia voli z adbyvańniem pakarańnia ŭ kałonii ŭzmocnienaha režymu.
Praces pa spravie anarchistaŭ pačaŭsia 18 maja. Jany abvinavačvalisia va ŭčynieńni šerahu napadaŭ na budynki i padpałaŭ, u pryvatnaści ŭ praviadzieńni niesankcyjanavanaj antyvajennaj akcyi kala budynka Ministerstva abarony ŭ 2009 hodzie, zakidvańni butelkami z zapalnaj sumieśsiu terytoryi pasolstva Rasii ŭ Minsku i budynka Centra izalacyi pravaparušalnikaŭ na vulicy Akreścina ŭ 2010 hodzie. Im taksama inkryminavaŭsia šerah napadaŭ na inšyja budynki: zakidvańnie fajerami staličnaha kazino «Šanhry Ła» i budynka Fiederacyi prafsajuzaŭ Biełarusi, sproby padpału adździaleńniaŭ «Biełarusbanka» i «Banka
