Anton Surapin pryznany viaźniem sumleńnia

Amnesty International pryznała žurnalista Antona Surapina viaźniem sumleńnia. Infarmacyju pra heta mižnarodnaja pravaabarončaja arhanizacyja raspaŭsiudziła ŭ sieradu, 25 lipienia.

Amnesty International taksama patrabuje nieadkładnaha vyzvaleńnia Antona Surapina i Siarhieja Bašarymava, i źniaćcia suprać ich usich abvinavačvańniaŭ.

4 lipienia ŭ Biełaruś niezaŭvažanym biełaruskimi siłami SPA pralacieŭ lohkamatorny šviedski samalot, ź jakoha nad Iviancom i ŭskrainaj Minska skinuli plušavych miadźviedzikaŭ z płakatami ŭ padtrymku svabody słova ŭ Biełarusi. Ułady krainy dahetul aficyjna nie pryznali parušeńnia pavietranaj prastory zamiežnym samalotam. KDB nijak nie kamientuje spravu ab miadźjedzikach i toje, što pavodle hetaj spravy zatrymanyja žurnalist Anton Surapin i ryełtar Siarhiej Bašarymaŭ.

23 lipienia Antona Surapina pakinuli pad vartaj paśla zakančeńnia 10-sutkavaha terminu z dnia zatrymańnia. Jaho padazrajuć u sadziejańni hrupie asobaŭ u niezakonnym pierasiačeńni miažy. Ci vystavili Antonu Surapinu aficyjnaje abvinavačańnie, nieviadoma. Abvinavačańnie Siarhieju Bašarymavu vystavili 16 lipienia, praz 10 dzion paśla zatrymańnia. Siarhiej abvinavačany ŭ spryjańni niezakonnamu pierasiačeńniu miažy.

0

0

0

0

0

0

Radyjo Svaboda

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH