Biełaruskija «Haradskija linii» dziejničajuć troški bolš za hod. Elektryčki adpracavali pieršyja miesiacy ŭ testavym režymie, vybirajučy aptymalny varyjant ekspłuatacyi. Za prykład nam možna ŭziać pracu pryharadnych ciahnikoŭ Čykaha (ZŠA).
Paraŭnajem klučavyja momanty ŭ arhanizacyi pracy abiedźviuch čyhunak i pasprabujem adšukać uzor dla pierajmańnia.
Pryharadnyja ciahniki Čykaha Metra. Fota Cimura Kupajeva, timurku.livejournal.com.
Elektryčka haradskich linij Minska.
Zamović prajazny ŭ Čykaha možna pa pošcie. Dla hetaha treba zapoŭnić ankietu na stancyi i kinuć jaje ŭ paštovuju skryniu z nadpisam Ticket by mail. Fota Cimura Kupajeva, timurku.livejournal.com.
Kvitok na adnu pajezdku možna kupić praz admysłovyja terminały na čyhunačnym vakzale ŭ Minsku, ale tolki poŭny kvitok. Fota dengi.onliner.by.
Stancyi ŭ pryharadzie Čykaha pracujuć tolki ŭ hadzinu pik. Fota Cimura Kupajeva, timurku.livejournal.com.
Pryharadnyja kasy ŭ Minsku. Tut nabyvajuć kvitki na ŭsie elektryčki.
U čykahskich pryharadnych ciahnikach kvitki pradajuć i praviarajuć kanduktary. Prajaznyja zaščeplivajucca śpiecyjalnaj mietaličnaj płaścinaj na padhałoŭniku kresła. Pustaja płaścina — sihnał, što ŭ pasažyra niama ni kvitka, ni prajaznoha. Fota Cimura Kupajeva, timurku.livejournal.com.
U minskich elektryčkach pradajuć i praviarajuć kvitki kanduktarki. Jany staviać na kvitku štamp z aktualnaj dataj i nadryvajuć jaho.
Pryharadnyja stancyi Čykaha abstalavanyja kandycyjanierami. Fota Cimura Kupajeva, timurku.livejournal.com.
Pryharadnyja stancyi Minska nie majuć kandycyjanieraŭ, u śpioku tut ratujucca skraźniakom, adčyniajučy dźviery i vokny.
U prybiralniach pryharadnych stancyj Čykaha abaviazkovyja kabinki dla invalidaŭ, telefon-aŭtamat, fantančyk dla pićcia. Fota Cimura Kupajeva, timurku.livejournal.com.
Adzinaja prybiralnia dla invalidaŭ jość na naviutkaj stancyi «Ždanovičy». Tut niama tualetnaj papiery, fantančyka i telefona.
U prybiralniach pryharadnych stancyj Čykaha zaŭsiody jość tualetnaja papiera. Fota Cimura Kupajeva, timurku.livejournal.com.
U prybiralni na stancyi «Ždanovičy» papiera taksama jość, ale nie tualetnaja.
Čykahskija ciahniki dvuchpaviarchovyja. Fota Cimura Kupajeva, timurku.livejournal.com.
Minskija elektryčki šviejcarskaj vytvorčaści adnapaviarchovyja.
Prodaž kvitkoŭ
Čykaha Kupić prajazny na miesiac možna na stancyi ŭ kasie, zamović u internecie abo pa pošcie. Dla apošniaha treba zapoŭnić ankietu, jakaja lažyć na admysłovym stale na stancyi i kinuć jaje ŭ paštovuju skryniu z nadpisam Ticket by mail. Dla apłaty vypisvajecca ček.
Kvitok možna nabyć u kanduktara. Jon budzie kaštavać na dalar daražej.
Kali na momant pasadki kasy začynienyja, dadatkovaja apłata nie biarecca. Kasy pracujuć tolki ŭ hadziny pik.
Minsk. Kvitok na adnu pajezdku možna kupić u kasie. A taksama praz admysłovyja terminały na čyhunačnym vakzale ŭ Minsku, ale tolki poŭny kvitok.
Nabyty ŭ kanduktara kvitok u lubym vypadku kaštuje na 1200 daražej. Heta datyčyć i piensijanieraŭ, i baćkoŭ maleńkich dziaciej.
Prajaznyja
Čykaha. Isnuje vialikaja kolkaść varyjantaŭ kvitkoŭ, košt jakich zaležyć ad kančatkovaj stancyi. Pry hetym, kali byli vykarystany nie ŭsie pajezdki i bilet bolš nie patrebny, jaho možna zdać i viarnuć hrošy za niavykarystanyja pajezdki. Na dva vychodnyja možna nabyć kvitok za $7 ź bieźlimitnaj kolkaściu pajezdak.
Minsk. Možna nabyć prajaznyja na miesiac i dekadu, na budnija dni, imiannyja. Nijakich bonusaŭ u vyhladzie kampiensacyi nie vykarystanych pajezdak i kvitkoŭ vychodnaha dnia ŭ nas niama.
Kantrol
Čykaha. Kvitki praviarajuć kanduktary.
Prajaznyja i kareńčyk ad pravieranaha kvitka zaščeplivajucca śpiecyjalnaj mietaličnaj płaścinaj na padhałoŭniku kresła. Pustaja płaścina — sihnał, što ŭ pasažyra niama ni kvitka, ni prajaznoha.
Minsk. Kvitki praviarajuć kanduktary i kantralory. Na kvitkach stavicca štamp z nadpisam «Minsk-Pasažyrski» i aktualnaja data.
Stancyi
Čykaha.
Stancyi abstalavanyja kandycyjanierami. U prybiralniach abaviazkovyja kabinki dla invalidaŭ, telefon-aŭtamat, fantančyk dla pićcia.
Minsk. Novyja stancyi nie majuć kandycyjanieraŭ,
u śpioku tut ratujucca skraźniakom, adčyniajučy dźviery i vokny.Adzinaja prybiralnia dla invalidaŭ jość na naviutkaj stancyi «Ždanovičy». Tut niama tualetnaj papiery, fantančyka i telefona.
Čym adroźnivajucca ciahniki
U pradmieści Čykaha jeździać dvuchpaviarchovyja ciahniki. Jany składajucca z vaśmi vahonaŭ, pieršy vahon — ciepłavoz. U kožnym vahonie adny dźviery pa centry.
U Minsku jeździać elektryčki šviejcarskaj vytvorčaści. Kožny ciahnik składajecca z čatyroch vahonaŭ. U dvuch centralnych pa dvoje dźviarej, u pieršym i apošnim pa adnych. Vahony adnapaviarchovyja, ciepłavoza niama.
