22-razovy pryzior Alimpijskich hulniaŭ, 18-razovy alimpijski čempijon Majkł Fełps, pavodle brytanskaj presy, parušyŭ 40-je praviła Mižnarodnaha alimpijskaha kamiteta. Za heta jaho mohuć pazbavić miedaloŭ, zavajavanych na Hulniach u Łondanie.
Zhodna z praviłam, ahučanym sioleta, nivodzin z spartsmienaŭ, jakija biaruć udzieł u alimpijskich spabornictvach, ad 18 lipienia da 15 žniŭnia nie maje prava być zadziejničany ŭ niealimpijskich markietynhavych kampanijach.
Skandał razharajecca z-za dvuch fota, na jakich spartsmiena źniali z torbami Louis Vuitton. Na adnym ź ich płyviec vyjaŭleny razam ź lehiendarnaj savieckaj himnastkaj Łarysaj Łatyninaj. Firmiennaja sumka na zdymku znachodzicca ŭ jaho pad nahami. Na druhoj fatahrafii Fełps prymaje vannu, a sumka znachodzicca pad joj.
Paviedamlajecca, što zdymki byli apublikavanyja viadomym fatohrafam - Ani Lajbovic.
Francuzski dom mody ŭžo zajaŭlaje, što heta - nieaficyjnyja zdymki, i što jany byli vykradzienyja ŭ kampanii.Ab hetym, u pryvatnaści, paviedamiŭ pradstaŭnik Louis Vuitton brytanskaj haziecie The Daily Mail.
Pradstaŭniki Fełpsa taksama śćviardžajuć, što jany nie davali zhody na publikacyju fatahrafij.
Ciapier usio zaležyć ad taho, ci naŭmysna vyjšli ŭ śviet fota, albo ž jany sapraŭdy trapili na ŭsieahulny ahlad nielehalnym šlacham.
Fota sa spartsmienam byli apublikavanyja na roznych sajtach jašče 13 žniŭnia. Ciapier
Fełps moža stracić miedali, zavajavanyja ŭ Łondanie - usiaho jon vyjhraŭ 4 załatyja i 2 srebranyja ŭznaharody.
