Daškieviča chočuć zhnaić u turmie: asudzili jašče na 1 hod 26

Sud nad lidaram «Maładoha frontu» skončyŭsia. Pra heta paviedamiła niaviesta palitviaźnia Nasta Pałažanka. Pa jaje słovach, Źmicier nie pryznaŭ siabie vinavatym.

Jon admoviŭsia davać pakazańni na pracesie.

Z razmoŭ z supracoŭnikami kałonii Nasta daviedałasia, što heta ci nie adzinkavy vapadak, kali pa takim artykule asudžajuć na maksimalny termin źniavoleńnia.

Dadatkovy hod pačnuć adličvać ad siońnia, a nie sa śniežnia, kali zakančvajecca termin źniavoleńnia pa papiarednim prysudzie.

Pa słovach Nasty Pałažanki, svajoj šmathadovaj dziejnaściu Źmicier pakazaŭ, što ničoha nie baicca. I va ŭładaŭ niama nijakaha mietadu ŭździejničać na jaho. Tamu i iduć na pravakacyi, kab izalavać jaho za kratami.

***

U aŭtorak, 28 žniŭnia, a 10-j ranicy raspačynajecca novy sud nad palitviaźniem, lidaram arhanizacyi «Małady front» (zarehistravana ŭ Čechii) Źmitrom Daškievičam.

Jaho vinavaciać u niepadparadkavańni administracyi papraŭčaj ustanovy (č. 1, art. KK). Palitviaźniu mohuć dadać hod turmy.

U aŭtorak, a 10-j ranicy ŭ jaho budzie sud. Sud budzie zakryty, jak jany kažuć, vyjazny — heta kali sudździa vyjazdžaje na terytoryju kałonii. Viadoma, što pa spravie idzie kala 40 śviedak. Heta i milicyjanty, i źniavolenyja.

«Nie viedaju, ci jość choć adzin śviedka z boku Źmitra, — kaža Pałažanka. — Chutčej za ŭsio niama, bo jon ža admoviŭsia ad abarony, bo ličyć hety praces całkam niezakonnym i štučnym. I viadoma, što ŭžo ŭ načny čas paśla suda jaho čakaje etap u Viciebsk. My z advakatam pryjedziem da kalonii, kab daviedacca pra vynik i padtrymać Źmitra, ale nieviadoma, ci što daviedajemsia».

Staršynia Maładoha Frontu Źmicier Daškievič asudžany pavodle abvinavačańnia ŭ chulihanstvie na 2 hady źniavoleńnia.

Nibyta achviary chulihanstva tady tak i nie pakazalisia ŭ sudzie, ale advakat raskapaŭ pra ich, što ŭ svaje 30 hadoŭ jany nidzie nie pracavali.

U Hłybockaj kałonii na palitviaźnia zaviali novuju spravu pavodle artykułu ab niepadparadkavańni, jamu pahražaje padaŭžeńnie terminu jašče na hod. U saviecki čas tak padaŭžali termin źniavoleńnia palitviaźniaŭ, kali jany nie adrakalisia svaich pohladaŭ.

U čaćvier na tydzień aryštu asudzili Mikołu Dziemidzienku, adnaho ź lidaraŭ Maładoha Frontu — musić, kab sarvać akcyju salidarnaści z Daškievičam kala muroŭ Hłybockaj turmy.

Źmicier niekalki razoŭ admaŭlaŭsia pisać Łukašenku prašeńnie ab pamiłavańni.

nn.by

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH