Jana paviedamiła, što jana ź siabrom zabłukała ŭ lesie ŭ rajonie vysielenaj vioski Brahinskaha rajona. Było ŭstanoŭlena, što maładyja ludzi zabłudzili na terytoryi Paleskaha dziaržaŭnaha radyjacyjna-ekałahičnaha zapaviednika.
Jak paviedamiŭ pres-sakratar Homielskaha abłasnoha ŭpraŭleńnia MNS Rusłan Habryloŭ, infarmacyja była pieradadziena ŭ Brahinski RAUS i pažarna-chimičnuju stancyju haradskoha pasiołka Kamaryn.
«Było ŭstanoŭlena, što 22-hadovaja dziaŭčyna i 27-hadovy chłopiec, aboje minčanie, sabralisia pajechać u hości da siabroŭ u horad Słavucič Čarnihaŭskaj vobłaści na elektryčcy. Na stancyi „Iołča“ ŭ Brahinskim rajonie maładaja para pavinna była sieści na elektryčku, jakaja adpraŭlałasia ŭ 20 hadzin 30 chvilin.
Ale prykładna ŭ 18.30 minčanie pajšli ad čyhunačnaj stancyi ŭ les, kab zrabić fatahrafii na pamiać, i zabłudzili», — skazaŭ Habryloŭ.
U 2 hadziny nočy 5 vieraśnia rabotniki zapaviednika znajšli zabłudnych na čyhunačnym pierajeździe pamiž vysielenymi vioskami Kałybań i Pasudava, za 15 kiłamietraŭ ad stancyi «Jołča». Ich stan zdavalniajučy, u špitalizacyi nie majuć patreby. Minčanie byli dastaŭlenyja ŭ Kamaryn u hatel.
