Hazeta Partyi kamunistaŭ biełaruskaj «Tovariŝ» adna z apošnich ź biełaruskich drukavanych ŚMI abzaviałasia sajtam u Internecie.
Čytać «Tovariŝ» ciapier budzie možna pa nastupnym adrasie: www.camarade.biz. Na sajcie «Tovariŝa» asobna vystaŭlajucca materyjały, što byli nadrukavanyja ŭ papiarovaj hazecie, a taksama žyvaja stužka navinaŭ za dzień. Razam z tym na sajcie niama rss‑stužki, što vielmi dziŭna dla infarmacyjnaha partału.
Naviny sajtu padzielenyja na nastupnyja raździeły: «Hałoŭnyja», «Palityka», «Ekanomika», «Hramadztva», «Kamentary», «Sport», «Archiŭ navinaŭ» i zusim niečakany raździeł «Dakumenty kanhresa».
Asobna raźmiaščajucca artykuły ekspertaŭ. U roli ekspertaŭ siońnia vystupajuć Valancin Akudovič, Hienadź Fiadynič i Mikałaj Toŭścik. Taksama varta adznačyć, što na sajcie tolki dva materyjały na biełaruskaj movie.
