Žychary katedžnych damoŭ u pasiołku Kałodziščy pad Minskam sabrali 1,5 tys. podpisaŭ i patrabujuć ad uładaŭ źmianić prajekt zabudovy mikrarajona Zialony Bor, jaki maje zabudoŭvać miljanier Juryj Čyž. Pra heta paviedamiła
Na terytoryi na ŭschod ad Minska, niedaloka ad pasiołka Kałodziščy, płanujecca pabudavać kala 5–6 młn. kvadratnych mietraŭ žylla, CEC, sartavalnuju stancyju i dadatkovuju vietku čyhunki praz Respublikanski bijałahičny zakaźnik «Ścikleva».Aprača taho, praduhledžvajecca pabudavać novuju aŭtadarohu, jakaja zapatrabuje znosu haražnaha kaapieratyva.
Ekołahi miarkujuć, što «luboje budaŭnictva na terytoryi Respublikanskaha bijałahičnaha zakaźnika „Ścikleva“ źjaŭlajecca nie tolki parušeńniem pastanovy Savieta ministraŭ, ale i stavić pad pahrozu poŭnaha źniknieńnia redkija vidy raślin, što zaniesieny ŭ Čyrvonuju knihu».
Miascovyja žychary nie zhodny ź pieršapačatkovym prajektam, jaki vynosiŭsia na hramadskaje abmierkavańnie 15 maja 2012 hoda.
Jany pastavili 1,5 tys. podpisaŭ pad adkrytym zvarotam z patrabavańniem źmianić prajekt, vyklučyŭšy ź jaho budaŭnictva sartavalnaj stancyi, CEC i pašyreńnie čyhunačnaj vietki.
U adkrytym zvarocie miascovyja žychary adznačali parušeńni norm zakanadaŭstva, a taksama niemetazhodnaść, nieracyjanalnaść i ekanamičnuju nieabhruntavanaść raźmiaščeńnia zapłanavanych abjektaŭ.
14 vieraśnia ŭ 16.00 u budynku Kaładziščanskaha sielskaha savieta (pasiołak Kałodziščy, vuł. Karotkaja, 1a) adbudziecca abmierkavańnie prajekta «Hienieralny płan pasiołka Kałodziščy».
