Alaksandr Łukašenka miarkuje, što dziaržava pavinna akazvać padtrymku partyjam patryjatyčnaj skiravanaści.Takoje mierkavańnie jon vykazaŭ 8 kastryčnika na sustrečy z druhim sakratarom Centralnaha kamiteta Kamunistyčnaj partyi Biełarusi Iharam Karpienkam.
«Davajcie adkryta kazać: treba ich padtrymać. My nie budziem utrymlivać, dapuścim, za košt biudžetu, ale padtrymku im treba akazać.Bo ŭsie hetyja „piacikałońniki“ atrymlivajuć salidnyja ŭlivańni
«I, u rešcie rešt, my i ich možam paprasić, kab jany nam davodzili infarmacyju ź miescaŭ.Heta nie čužyja našamu narodu partyi, tamu ja nie bajusia hetaha i publična kažu pra toje, što jany nie pavinny vieści voś heta žabrackaje isnavańnie — partyi patryjatyčnaj skiravanaści, — padkreśliŭ Łukašenka. — Tam, dzie jany patrebnyja narodu, pa tych napramkach my im pavinny dapamahać».
U čas sustrečy abmierkavany pytańni funkcyjanavańnia biełaruskich partyj i ruchaŭ patryjatyčnaj nakiravanaści, u pryvatnaści, Kamunistyčnaj partyi Biełarusi.
Alaksandr Łukašenka vykazaŭ škadavańnie, što hetaja partyja apynułasia niekali raskołataj. «Ale nie byvaje licha biez dabra i naadvarot. Taja častka, jakaja adkałołasia ad KPB, užo stała marhinalnaj.Hetaja partyja była patryjatyčnaj u cełym, a častka, jakaja adkałołasia, faktyčna źjaŭlajecca avanhardam ŭsioj našaj „piataj kałony“. Moža być, i lepš. Niachaj. Jany doŭha da hetaha išli i narešcie pryjšli», — adznačyŭ Łukašenka.
«Kampartyja Biełarusi zastałasia ŭsio ž taki patryjatyčnaj partyjaj, patryjatyčnaj skiravanaści», — dadaŭ jon.
0
0
0
0
0
0
