«Heta pasłańnie Jeŭropie, kab jana zrabiła ŭsio dla taho kab zachavać dasiahnutaje i ruchacca napierad, — skazaŭ Jahłand. — Heta napamin pra toje, što budzie stračana, kali Jeŭrasajuzu dazvolać razvalicca».
Premiju addali ES za jahonuju doŭhaterminovuju rolu ŭ jadnańni kantynienta.
ES atrymaŭ premiju jak za svaju rolu ŭ adbudovie Jeŭropy, uzmacnieńni jaje ekanamičnaha patencyjału, tak i za stabilnaje raźvićcio postkamunistyčnych krain, što vybrali kurs na dałučeńnie da jaho.
U miežach Jeŭrasajuza voś užo amal 70 hadoŭ nie było anivodnaha vajennaha kanfliktu, a kaštoŭnaści ES raspaŭsiudžvajucca navat za jahonyja miežy, upłyvajučy na susiednija dziaržavy.
Choć biełarusy mocna spadziavalisia na pieršuju ŭ historyi Nobieleŭskuju premiju dla svajho suajčyńnika — Alesia Bialackaha, ale i ŭ našaj nacyi pryznajuć zasłuhi ES dla miru i raźniavolvańnia Jeŭropy i ŭsiaho śvietu.Jeŭrasajuz paśladoŭna abaraniaje pravy čałavieka i ŭ Biełarusi, patrymlivaje zmahańnie biełarusaŭ za svaje palityčnyja, sacyjalnyja i nacyjanalnyja pravy. Jeŭrasajuz i jahonyja krainy dapamahajuć niezaležnamu telebačańniu Biełsat — adzinamu biełaruskamoŭnamu telekanału, biełaruskamoŭnamu Jeŭrapiejskamu radyjo dla Biełarusi, Jeŭrapiejskamu humanitarnamu ŭniviersitetu. Dapamohu majuć i biełaruskija pravaabaroncy. Ale damapoha ES nie abmiažoŭvajecca hetaj śfieraj: pamiežnaja infrastruktura i kredyty dla pradprymalnikaŭ, razbudova turystyčnych maršrutaŭ i źnižeńnie zabrudžvańnia pryrody — heta taksama ŭniosak Jeŭrasajuza ŭ Biełarusi.
A biełarus usio ž kaliści stanie Nobieleŭskim łaŭreatam. Raz jość Biełaruś, zastanucca i biełarusy,i, u adroźnieńnie ad minułych stahodździaŭ, ich zdabytki nie buduć dzialić miž saboj macniejšyja susiedzi.
Ułasna, Jeŭrasajuz — heta taksama zaruka niezaležnaści i vyžyvańnia nievialikich nacyj na rasijskim pahraniččy.
Sami narviehi dvojčy na refierendumie hałasavali suprać dałučeńnia da Jeŭrasajuza. Palityčnyja partyi Narviehii razychodziacca ŭ hetym pytańni.
Narviežskija jeŭraskieptyki ŭžo nazvali rašeńnie Nobieleŭskaha kamiteta absurdnym. «ES — heta handlovy błok, i ŭ Łacinskaj Amierycy dy inšych kutkach śvietu na jaho hladziać zusim nie tak, jak z Brusela»,— skazaŭ Hieminh Ołaŭsen, kiraŭnik narviežskaj arhanizacyi, što jadnaje praciŭnikaŭ dałučeńnia da ES. A voś Jahłand — vialiki prychilnik ustupleńnia Narviehii ŭ ES.
Nahadajem, što łaŭreata vybirali piać siabroŭ Nobieleŭskaha kamiteta, składzienyja z pradstaŭnikoŭ narviežskaha parłamienta, ad piaci roznych palityčnych partyj krainy.
Nobieleŭskaja premija miru budzie ŭručana 12 śniežnia ŭ Osła.Atrymlivać jaje, vidać, budzie kiraŭnik Jeŭrakamisii Žaze Manuel Barozu.
Sioletniaha łaŭreata Nobieleŭskaj premii miru vybirali z 231 naminanta — 188 čałaviek i 43 arhanizacyjaŭ. Siarod ich byŭ i biełaruski pravaabaronca Aleś Bialacki.
