Kinafiestyval «Listapad-2012» źbiare 43 krainy

U XIX Minskim mižnarodnym kinafiestyvali «Listapad», jaki projdzie ŭ minskich kinateatrach z 2 pa 9 listapada, pakažuć karciny z 43 krain.

Udzieł u fiestyvali voźmuć 160 haściej, 60 ź jakich — zamiežnyja artysty, režysiory i kinakrytyki, paviedamiła na pres-kanfierencyi 23 kastryčnika ŭ Minsku vykanaŭca abaviazkaŭ dyrektara departamienta pa kiniematahrafii Ministerstva kultury Śviatłana Šycikava.

«Hety kinafiestyval, biassprečna, samaja značnaja padzieja krainy ŭ śfiery kiniematahrafii.

Sioleta spaŭniajecca 50 hadoŭ Biełaruskamu sajuzu kiniematahrafistaŭ, — zaznačyła Šycikava. — U suviazi z hetym arhanizatary fiestyvalu zaprasili staršyniaŭ takich sajuzaŭ z roznych krain. Žadańnie prysutničać na našym fiestyvali vykazali dzieviać čałaviek z roznych krain. Taksama sioleta my zrobim upor na karciny ajčynnaha kiniematohrafa. Hladač zmoža ŭbačyć stužki, jakija źniali „Biełaruśfilm“ i „Biełvideacentr“ u 2011 i 2012 hadach. Usiaho ž u miežach konkursnych i pazakonkursnych prahram fiestyvalu budzie pakazana pryblizna 150 filmaŭ. Takoha ŭ nas jašče nie było».

Dyrektar UP «Kinavideaprakat» Vasil Koktyš zaznačyŭ, što «hatovy apładziravać dyrekcyi fiestyvalu za składzienuju prahramu».

«Jana šykoŭnaja! Ja vielmi rady za hledačoŭ, bo filmy, jakija jany zmohuć ubačyć na šyrokim ekranie, potym nie budzie mahčymaści pahladzieć. Aŭdytoryja hetaha fiestyvalu nie „papkornaŭskaja“, heta ludzi, jakija zdolnyja hłyboka razvažać. Śpiašajciesia kupić bilety na kinapakazy: miarkuju, buduć anšłahi», — skazaŭ Koktyš.

Cyrymonija adkryćcia kinafiestyvalu adbudziecca 2 listapada ŭ Vialikaj zale Pałaca Respubliki.

Bilety koštam ad 50 da 110 tys. rubloŭ možna nabyć u kasach pałaca, a taksama na sajcie kvitki.by. Z padrabiaznaj prahramaj fiestyvalu možna aznajomicca na sajcie listapad.com.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH