Pamior brytaniec, jaki adsiedzieŭ 27 hadoŭ z-za sudovaj pamyłki
Jamu potym vypłacili salidnuju kampiensacyju, ale jon tak i nie zdoleŭ adaptavacca da žyćcia na voli.
Brytaniec, jaki staŭ achviaraj sudovaj pamyłki, pamior ad emfizemy lohkich praz usiaho try hady paśla vyzvaleńnia.
Šon Chodhsan pravioŭ 27 hadoŭ u turmie za zabojstva 22-hadovaj Terezy de Simonie ŭ Saŭthiemptanie ŭ 1979 hodzie.
Prysud jamu byŭ admienieny ŭ 2009 hodzie, kali analiz DNK paćvierdziŭ jaho niedatyčnaść da złačynstva.
Jak vyśvietliłasia, zabojstva ździejśniŭ inšy čałaviek, na momant apraŭdańnia Chodhsana ŭžo pamierły.
Pa vyzvaleńni z turmy 60-hadovy Chodhsan atrymaŭ bujnuju kampiensacyju, ale, jak kaža jaho pavierany, Džulijan Janh, jamu było ciažka adaptavacca da žyćcia na voli paśla stolkich hadoŭ, praviedzienych u źniavoleńni.