Za apošnija 20 hadoŭ kolkaść nasielnictva Biełarusi skaraciłasia na 770 tys. čałaviek, abo na 7,5%, i na 1 studzienia 2012 hoda skłała 9 młn. 465,1 tys. čałaviek. Pra heta paviedamiła namieśnik načalnika ŭpraŭleńnia arhanizacyi miedycynskaj dapamohi Ministerstva achovy zdaroŭja Taćciana Mihal na sumiesnym pasiadžeńni kalehii Ministerstva pracy i sacyjalnaj abarony, Ministerstva achovy zdaroŭja i Ministerstva pracy i sacyjalnaj abarony, Ministerstva achovy zdaroŭja Rasijskaj Fiederacyi.
«Biełaruś, jak i mnohija inšyja jeŭrapiejskija krainy, ustupiła ŭ treciaje tysiačahodździe ŭ dosyć składanaj demahrafičnaj situacyi, — skazała pradstaŭnik Minzdaroŭja. — Dla našaj krainy charakternyja takija źjavy, jak pieravyšeńnie śmiarotnaści nad naradžalnaściu, prahresujučaje stareńnie nasielnictva, jaho niespryjalnaja struktura pa połu i ŭzrostu, nievysoki ŭzrovień zdaroŭja nasielnictva repraduktyŭnaha ŭzrostu».
Jak i ŭ inšych krainach Jeŭropy, nasielnictva Biełarusi «stareje» (pieravažna za košt nizkaha pakazčyka naradžalnaści). Kali ŭ 1991 hodzie dola ludziej starejšych za pracazdolny ŭzrost składała 19,5%, to ŭ
