Siońnia ŭ sudzie Savieckaha rajonu Miensku razhladali sparvy zajaŭnikoŭ «Čarnobylskaha šlachu»aktyvista BNF Jurasia Ziańkoviča i siabry Palitrady AHP Valanciny Palevikovaj. Paśla razhladu spravaŭ pa sutnaści pracesy pieraniesienyja adpaviedna na piatnicu i paniadziełak.
Abodvuch zajaŭnikoŭ apazycyjnaj demanstracyi abvinavacili ŭ parušeńni jaje ŭdzielnikami farmatu dazvolenaj akcyi, kali tyja vyjšli na prajezdnuju častku vulicy.
Sudździa Ludmiła Savaścian zasłuchała pakazańni śviedkaŭ, prahledzieła aperatyŭnuju videastužku i vyrašyła pieranieści praces nad Palevikovaj na paniadziełak na 9 hadzin ranicy.
Sudździa Aksana Relava paśla razhladu spravy Ziańkoviča pieraniesła abviaščeńnie prysudu na zaŭtrašniuju ranicu.
Spadar Ziańkovič z hetaj nahody zajaviŭ Svabodzie, što paśla vystupu śviedkaŭ jahonaja sprava razvaliłasia ŭ sudzie.
