Na dasyłkach u mitrapalita
Pamiatajecie, u niezabyŭnaha Jarasłava Hašaka, u jaho nia mienš niezabyŭnych «Pryhodach udałaha vajaki Švejka», byŭ persanaž, jaki vyznačaŭsia svajoj žyviolnaj upartaściu. Na praciahu adnaho viečara jon bolš za dvaccać razoŭ sprabavaŭ patrapić u piŭnuju. Išoŭ praz roznyja dźviery, łamiŭsia praz vokny i navat sprabavaŭ praleźci praz komin.
Padobnaj upartaściu vyznačajecca i staršynia kamisii pa nacyjanalnaj biaśpiecy nacyjanalnaha sabranija Biełarusi, hienerał-pałkoŭnik Jahoraŭ. Nieźličonuju kolkaść razoŭ hienerał davaŭ zrazumieć navakolnym: «Ja budu balatavacca na parlamenckich vybarach». Čerykaŭ litaralna zachłynajecca ad vizytaŭ tav. Jahorava, jaki znajomicca to ź sielskaj haspadarkaj, to z kulturaj, to z pramysłovaściu, a to i z historyjaj Čerykaŭščyny. Praktyčna ŭ kožnym numary miascovaj rajonnaj hazety «Zaklik Iljiča» drukujucca fotazdymki hienerał-pałkoŭnika ŭ strohim kaściumie ci lohkaj teniscy, u salidnym šmatzoračnym mundziry ci ŭ pracoŭnym kambinezonie. Słovam, vielmi ŭžo fotahieničnym paličyli deputata ŭ redakcyi.
A zusim niadaŭna hienerał vystupiŭ u jakaści imiannoha kurjera mitrapalita Mienskaha i Słuckaha, patryjaršaha ekzarcha ŭsioj Biełarusi. Jon pieradaŭ čerykaŭskim pravasłaŭnym śviataram pasłańnie ad jaho śviaciejšastva Fiłareta padčas narodnaha śviata «Bryzhun», što šyroka adznačałasia na staražytnaj Čerykaŭščynie.
Mižvoli jašče raz zhadvajecca hieroj Ja.Hašaka. Uparty jon byŭ. Adnak, kožny raz niebaraku z treskam vykidvali na vulicu. Tak było ŭ tvory.
Andrej Kuźmin
