Infarmacyjnyja ahienctvy adno za adnym retranślujuć perypetyi z žyćcia adzinaccataha čempijona śvietu pa šachmatach, zatrymanaha ŭ Japonii.
Jaho čakaje ekstradycyja na radzimu — u ZŠA, dzie, najchutčej, za matč z Barysom Spaskim, praviedzieny ŭ 1992 h., 61-hadovaha Roberta Džejmsa Fišera źniavolać usurjoz i nadoŭha. Jon parušyŭ mižnarodnaje zakanadaŭstva, zhulaŭšy ŭ miaciežnaj Serbii dy nie zapłaciŭšy padatkaŭ z vyjhranych hrošaj. Z taho času hojsaŭ pa azijackich krainach, čas ad času pasyłajučy verbalnyja praklony Amerycy.
Što nam da Fišera? Fišer nie zavitvaŭ u Biełaruś, navat u čas svajho roskvitu nie sustrakaŭsia ź biełaruskimi šachmatystami (ci ličyć vyklučeńniem rasiejca Lava Pałuhajeŭskaha, uradženca Mahilova-na-Dniapry?). Adnak dziesiacirazovy čempijon Biełarusi Viačasłaŭ Dydyška pabudavaŭ svoj zichatlivy padručnik «Lohika sučasnych šachmat» na partyjach i idejach Fišera. U čas adkrytaha moładzievaha čempijanatu Halandyi, vyjhranaha Andrejem Žyhałkam u žniŭni 2004 h., biełaruskija majstry razam ź inšymi paŭdzielničali ŭ naiŭnaj akcyi ŭ abaronu Fišera, načapiŭšy majki ź jahonaj vyjavaj…
Poŭnaściu hety artykuł možna pračytać u papiarovaj i pdf-versii "Našaj Nivy"
VR
