reuters.com
Калі Расія працягне эскалацыю сітуацыі ва Украіне, гэта пацягне за сабой для яе новыя страты і наступствы, заявіў на брыфінгу ў Белым Доме амерыканскі прэзідэнт Барак Абама.
Паводле яго слоў, «няма сумневаў, што Расія адказная за гвалт на ўсходзе Украіны». «Расія падтрымлівае гвалт на ўсходзе Украіны, трэніруе сепаратыстаў, падтрымлівае іх фінансава і пастаўляе ім тэхніку», — заявіў Абама.
На пытанне журналістаў, ці лічыць ён апошнія паведамленні аб расійскіх войсках на тэрыторыі Украіны ўварваннем, прэзідэнт Абама адказаў: «Мы лічым дзеянні апошніх тыдняў працягам таго, што працягваецца на працягу некалькіх месяцаў. Гэта не ўнутраны канфлікт».
У выніку сваіх дзеянняў, Расія ўжо атрымала санкцыі і міжнародную ізаляцыю, яе эканоміка падае, дадаў амерыканскі прэзідэнт.
Ён не сказаў, ці збіраюцца ЗША ўводзіць супраць Расіі новыя санкцыі ці іншыя падобныя мерапрыемствы.
Барак Абама дадаў, што запрасіў наступнага месяца ў Белы дом ўкраінскага прэзідэнта Пятра Парашэнку.
