Пра іх напісаў у сваім фэйсбуку грамадскі актывіст Павел Юхневіч.
«Магчыма, напішу банальныя рэчы. Але, для тых, хто збіраецца на аўто заўтра ці сення ўвечары ехаць ў Вільню, на перапахаванне Каліноўскага, павінны памятаць:
— літоўскія памежнікі маюць права праверыць ў вас наяўнасць тэхагляду. У выпадку ягонай адсутнасці вас не прапусцяць праз мяжу. Можна паспрабаваць «дамовіцца», але я б не раіў.
— З 10 лістапада ў Літве абавязковыя зімовая шыны. Калі ў вас стаяць летнія, могуць таксама не пусціць.
— Калі ў вас першы выезд па візе, літоўскія памежнікі могуць праверыць наяўнасць медыцынскай страхоўкі. Яе таксама трэба мець з сабой, у скрайнім выпадку, можна зрабіць на беларускай мяжы за 5 хвілін.
— Аматарам паліць і затарыцца ў dutyfree на беларускім баку варта памятаць: увозіць ў Літву можна не болей за 2 пачкі цыгарэт на чалавека і не больш за 1 літр моцнага алкаголю.
Калі ласка, не стварайце падставаў для праблем на літоўскім баку мяжы. Сустрэнемся ў Вільні».
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)