Раскрыта забойства 23-гадовай жыхаркі Ваўкавыска, студэнткі Гродзенскага дзяржаўнага універсітэта, труп якой быў знойдзены 18 чэрвеня ў рацэ Рось паблізу вёскі Ніжнія Груды.
Пра гэта паведамілі ў Генеральнай пракуратуры.
Нагадаем, смерць дзяўчыны наступіла ад чэрапна-мазгавой траўмы. Па гэтым факце пракуратурай раёна была распачата крымінальная справа. Падазроны — 21-гадовы раней судзімы мясцовы жыхар — схаваўся на тэрыторыі Украіны.
28 ліпеня маладога чалавека затрымалі. Цяпер вырашаецца пытанне аб яго экстрадыцыі ў Беларусь.
0
0
0
0
0
0
