У Гомелі 9-гадовы хлопчык ледзь не загінуў, рамантуючы цацачны аўтамат

Каля 11-й вечара «хуткая» прывезла ў Гомельскую абласную клінічную бальніцу 9-гадовага хлопчыка. Дзіця шпіталізавалі з пранікальным нажавым раненнем у вобласці жывата і грудной клеткі.

— Перад сном хлопчык спрабаваў паправіць свой ​​цацачны пластмасавы аўтамат. Маці ў гэты час пайшла на працу — у яе другая змена, а бацька сядзеў у іншым пакоі, працуючы за камп’ютарам.

Сын цішком пайшоў на кухню і ўзяў без дазволу нож. Ім ён спрабаваў адцягнуць спружыну засаўкі цацкі.

Але рука дзіцяці саскочыла ад напругі і пайшла ў іншы бок. Лязо нажа трапіла прама ў сонечнае спляценне. Дзіця паспела паклікаць бацьку, а той адразу выклікаў «хуткую дапамогу», — распавёў начальнік прэс-службы УУС Гомельскага аблвыканкама Андрэй Мазепін.

Хлопчык яшчэ знаходзіцца ў бальніцы. Нягледзячы на сур’ёзнае раненне, медыкі спадзяюцца, што дзіця паправіцца і сустрэне Новы год дома. А міліцыя па факце здарэння праводзіць праверку.

Павел Міцкевіч, kp.by

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ