28 студзеня ў мінскім бізнес-цэнтры «Вікторыя» адбылася сушы-бітва, у якой змагаліся ў майстэрстве майстры гэтай стравы з усёй Беларусі.
У двухгадзінным кулінарным паядынку ўдзельнічалі дзевяць кулінараў з Мінска і абласных цэнтраў. Канкурсанты прадэманстравалі свае навыкі ў падрыхтоўцы класічных сушы і прадставілі аўтарскія стравы японскай кухні.
Вянцом вечара стала ўстанаўленне нацыянальнага рэкорду па падрыхтоўцы самага вялікага ў Беларусі сушы. Шэф-кухар казіно «Вікторыя» Аляксандр Жылінскі, які з'яўляецца ўдзельнікам тэлевізійнага праекта «Шэф-кухар» і шэрагу кулінарных акцый у Беларусі і за мяжой, у тым ліку «Кубка Крамля», разам з двума памочнікамі прыгатаваў сушы вагой у 21 кілаграм.
Для гасцей вечара арганізатары падрыхтавалі яркае стылізаванае шоу: Тэатр масак, «Шоу аднаго самурая» і многае іншае.
Відэа Сяргея Сацюка, БелаПАН
Глядзі таксама: Сушы з голага цела.