31.10.2017 / 07:35

Карлес Пучдэмон і пяць яго міністраў выехалі ў Бельгію 41

Reuters.com

Адхілены ад пасады ўладамі Іспаніі кіраўнік урада Каталоніі Карлес Пучдэмон і пяць яго міністраў у панядзелак з'ехалі ў Бельгію. Інфармацыю аб прыездзе кіраўніка аўтаноміі ў Брусэль пацвердзіў наняты ім бельгійскі адвакат Поль Бекар, паведамляюць бельгійскія СМІ

Адвакат адмовіўся сказаць, ці папрасіў Пучдэмон палітычнага прытулку ў Бельгіі. Паводле яго слоў, кіраўнік Каталоніі наняў яго для магчымай юрыдычнай абароны.

«Калі яму спатрэбіцца юрыдычная абарона, я буду прадстаўляць яго, — сказаў адвакат. — Пытанне прытулку застаецца адкрытым».

Le Soir галоўнай навіной раніцы так і ставіць пытанне: «Пучдэмон будзе прасіць прытулку? Яшчэ нічога не вырашана, кажа яго адвакат».

Іспанская прэса закідае адвакату, што ён больш за 30 гадоў займаўся абаронай членаў басконскай сепаратысцкай групоўкі ЭТА, якія апынуліся ў Бельгіі. Урад Іспаніі патрабаваў іх экстрадыцыі.

«Мабыць, у сувязі з гэтым маім вопытам, ён [Пучдэмон] звярнуўся да мяне па дапамогу», — сказаў Бекар.

Прэса Іспаніі паведамляе, што Пучдэмон мае намер сустрэцца ў Брусэлі з прадстаўнікамі партыі фламандскіх нацыяналістаў «Новы фламандскі альянс» (NVA), якая ўваходзіць у кіруючую ў Бельгіі ўрадавую кааліцыю, аднак у партыі гэтую інфармацыю не пацвердзілі.

Паводле інфармацыі іспанскага агенцтва EFE, Пучдэмон і пяцёра міністраў каталонскага ўрада пакінулі аўтаномію на аўтамабілі, даехаўшы да Марсэля на паўднёвым усходзе Францыі (шлях з Барселоны ў Марсэль займае прыкладна пяць гадзін), а адтуль самалётам адправіліся ў Бельгію.

Разам з Пучдэмонам у Бельгію адправіліся міністр кіравання і інстытуцыйных адносін Каталоніі Мерытчэль Барас, міністр па пытаннях аховы здароўя Антоні Комін, міністр унутраных спраў каталонскага ўрада Жаакім Форна, міністр працы, сацыяльных пытанняў і сям'і Далорэс Баса, а таксама міністр па сельскай гаспадарцы Мерытчэль Сержт.

У панядзелак генпракурор Іспаніі Хазэ Мануэль Маса заклікаў выставіць супраць былых кіраўнікоў Каталоніі абвінавачванні ў арганізацыі бунту і незаконнага выкарыстання дзяржаўнага бюджэту.

Калі Карлес Пучдэмон будзе прызнаны вінаватым у арганізацыі бунту, яму пагражае 30-гадовы турэмны тэрмін. Паводле законаў Іспаніі, заяўка пракурора павінна быць спачатку разгледжана суддзёй.

***

На тэлеграм-канал «Нашай Нівы» можна падпісацца тут.

7
4okto / Адказаць
31.10.2017 / 07:59
Епт, Пучдемон, а как же борьба, к которой ты так пламенно призывал? В общем, каталонское руководство еще раз показало свое лицо, а именно лицо недальновидных популистов, которые только и умеют, что лозунгами сыпать, а когда нужны какие-то решительные действия, то сразу вот.. улепётывает в Бельгию. Зато как красиво всё начиналось!
4
Пытаньнечка / Адказаць
31.10.2017 / 08:24
Петрасян.
12
Чистый Гарри / Адказаць
31.10.2017 / 08:31
Ахахаха! Вось і ўся "незалежнасць"!)))
А чаму б Пучдэмону не адказаць у судзе за сепарскае злачынства?
Паказаць усе каментары/ 41 /
Каб пакінуць каментар, калі ласка, актывуйце JavaScript у наладах свайго браўзеру