13.09.2018 / 19:50

Дырэктар турфірмы ў Гродне прайгравала грошы кліентаў у букмекерскіх канторах

31-гадовая жанчына працавала дырэктарам у ТАА «На валізках». Гэтым летам жанчына атрымала ад кліентаў больш за 25 тысяч рублёў, узяла іх сабе і растраціла. Па адной з версій, жанчына захаплялася стаўкамі ў букмекерскіх канторах, паведамляе Следчы камітэт.

Падазраваную ўзялі пад варту, распачалі крымінальную справу. Яе вінавацяць у прысваенні і растраце даручанай маёмасці. Раней абвінавачаная да крымінальнай адказнасці не прыцягвалася.

Каб пакінуць каментар, калі ласка, актывуйце JavaScript у наладах свайго браўзеру