Hrupa vjetnamcaŭ sprabavała vyjechać ź Biełarusi pad dniščam aŭtapojezda 5

U noč na 7 śniežnia bresckija pamiežniki praduchilili sprobu siami hramadzian Vjetnama niezakonna pierajści miažu.

Jak paviedamili ŭ pres-centry DPK, čaćviora vjetnamcaŭ dla nielehalnaha pierachodu miažy vyrašyli skarystacca aŭtapojezdam, u jaki pranikli pry padjeździe da punktu propusku «Kazłovičy».

Mužčyny ŭmieła skampanavalisia na zapasnych kołach i šasi paŭpryčepa aŭtaciahnika «DAF».

Tolki ŭ adnaho ź nielehałaŭ była daviedka pra zamienu pašparta, astatnija padarožničali biez dakumientaŭ. Mabilnyja telefony, asabistyja rečy, hrošy — taki byŭ bahaž zatrymanych.

Paźniej heta kampanija dapoŭniłasia: za kiłamietr ad dziaržaŭnaj miažy bresckija pahraničniki zatrymali jašče troch hramadzian Vjetnama, jakija pierachodzili darohu Brest — Kazłovičy.

Jak vyśvietliłasia, hrupa ź siami čałaviek pryjechała ŭ rajon punktu propusku na dvuch lehkavych aŭtamabilach z Maskvy. Usie jany metanakiravana rychtavalisia da niezakonnaha pierasiačeńnia dziaržmiažy. U Polščy płanavali zdabyć lepšyja ŭmovy dla žyćcia.

Raspačaty administracyjny praces, dla razboru hramadzianie Vjetnama źmieščanyja ŭ IČU Bresckaj pahraničnaj hrupy.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH