Biełaruskaja i rasijskaja transpartnaja milicyja znajšli ślapoha rasijanina, jaki źnik u Breście. Pra heta paviedamili va ŭpraŭleńni ŭnutranych spraŭ na transparcie MUS Biełarusi.
Nahadajem, z prośbaj ab dapamozie znajści svajaka ŭ Brescki adździeł transpartnaj milicyi 7 listapada źviarnułasia 61-hadovaja hramadzianka Ukrainy, žycharka vioski Čeviel Staravyžaŭskaha rajona Vałynskaj vobłaści.
U milicyi žančyna skazała, što jaje brat, Bukin Anatol Jahoravič 1954 hoda naradžeńnia, uradženiec horada Ujały (Tadžykistan), jaki pražyvaŭ raniej u Samary (RF), syšoŭ u nieviadomym nakirunku z budynka čyhunačnaha vakzała ŭ Breście 20 vieraśniai da ciapierašniaha času jaho miescaznachodžańnie nieviadoma.
U hetym hodzie žančyna vyrašyła advieźci brata ŭ Ukrainu, kab uziać pad svaju apieku. Viartajučysia dadomu praz terytoryju Biełarusi, svajačcy daviałosia pakinuć mužčynu na čyhunačnym vakzale ŭ Breście, bo z-za adsutnaści dakumientaŭ jon nie zmoh prajści pahraničny kantrol.Kab zabrać invalida, ukrainka viarnułasia na vakzał tolki praz paŭtara miesiacy. Pavodle jaje słoŭ, heta było vyklikana tym, što va Ukrainie ŭ jaje na ŭtrymańni znachodzicca muž-invalid. Nie znajšoŭšy brata, jana źviarnułasia za dapamohaj u pravaachoŭnyja orhany.
Na praciahu dvuch miesiacaŭ milicyjanty-transpartniki viali pošuki. Vidavočcy bačyli badziahu ŭ Minsku, jon prasiŭ miłaścinu ŭ rajonie vakzała stancyi "Minsk-Pasažyrski" i błukaŭ pa vakolnych vulicach u pošukach srodkaŭ dla isnavańnia.
Paśla mužčyna byŭ abvieščany ŭ miždziaržaŭny vyšuk. Akazałasia,
paśla praciahłaha tulańnia pa Minsku invalid pa zroku z dapamohaj ludziej dabraŭsia na elektryčkach spačatku da Oršy, a zatym praz Smalensk u Maskvu.
Na Biełaruskim vakzale ŭ Maskvie miascovyja čyhunačniki i palicyjanty adpravili invalida ŭ Centr sacyjalnaj adaptacyi dla biazdomnych hramadzian "Filimonki" pry psichanieŭrałahičnym internacie, dzie mužčyna znachodzicca ciapier.
Infarmacyja pra miescaznachodžańnie Anatola Bukina pieradadziena jaho siastry va Ukrainie. Ź jaje słoŭ, jana budzie šukać srodki i mahčymaść pajechać da brata, zrabić jamu nieabchodnyja dakumienty i zabrać na apiakunstva.Adnak pakul žančyna nie hatovaja nadoŭha pakinuć doma muža-invalida i vypravicca ŭ Maskvu.
