Ahulnaja kolkaść abanientaŭ sotavaj suviazi ŭ Biełarusi składaje 10,7 młn. karystalnikaŭ. [Kolkaść nasielnictva Biełarusi na 1.01.2013 składaje 9 młn 463,3 tys. čałaviek]
Jak paviedamili ŭ Ministerstvie suviazi i infarmatyzacyi, uzrovień praniknieńnia sotavaj suviazi ŭ krainie pa vynikach 2012 hoda skłaŭ 113 abanientaŭ na 100 žycharoŭ.
Letaś taksama praciahvałasia raźvićcio tradycyjnych pasłuh stacyjanarnaj sietki elektrasuviazi. Pryrost asnoŭnych telefonnych aparataŭ miascovych telefonnych sietak nacyjanalnaha apieratara elektrasuviazi za hod skłaŭ 80 tys. štuk, u tym liku na haradskich telefonnych sietkach — 76 tys. štuk i na sielskich — 4 tys. štuk. Ščylnaść telefonnych aparataŭ na 100 čałaviek na 1 studzienia 2013 hoda skłała 45,3 suprać 44,5 na pačatak hoda.
U 2012 hodzie ŭ Biełarusi pravodziłasia padklučeńnie abanientaŭ da sietki elektrasuviazi z vykarystańniem IMS-płatformy. Ich kolkaść na 1 studzienia 2013 hoda skłała zvyš 224 tysiač abanientaŭ. Abanientu davałasia mahčymaść padklučeńnia maksimalnaj kolkaści pasłuh — aprača asnoŭnych pasłuh telefonnaj suviazi realizavanyja dźvie novyja pasłuhi «Minski numar» i «Sieryjny numar», jakija mohuć być prapanavanyja tolki abanientam IMS-płatformy. Šyrynia źniešniaha kanała dostupu ŭ sietku Internet za hod pavialičana z 200 da 350 Hbit/s.
IMS (IP Multimedia Subsystem, multymiedyjnaja IP-padsistema) — kompleksnaje rašeńnie, jakoje ŭ pierśpiektyvie zaklikana zamianić usie isnujučyja sietki elektrasuviazi. Jadro sietki pa technałohii IMS zasnavana na kamutacyi pakietaŭ i zabiaśpiečvaje tranzit (abmien) trafiku, niezaležna ad jaho prachodžańnia (hołas, multymiedyjnyja fajły, videa), h.zn. pracuje z roznymi sietkami dostupu. Na «ŭvachodzie» ŭ sietku, niezaležna ad «apošniaj mili» (fiksavanaj ci biespravodnaj), luby trafik pieraŭtvarajecca ŭ IP, i zatym płatforma kiruje patokami pakietaŭ.
Alaksiej Areška, BiełaPAN
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
