U Biełarusi na pažyćciovaje źniavoleńnie asudžana prykładna 140 čałaviek. Bolš za 80 ź ich adbyvajuć pakarańnie ŭ turmie № 8 u Žodzinie. Pra heta raspaviadajecca ŭ materyjale "Prysudžanyja pa žyćci", apublikavanym u apošnim numary haziety MUS Biełarusi "Na stražie".
Pa słovach načalnika atrada pa arhanizacyi vykanańnia pakarańnia ŭ vyhladzie pažyćciovaha źniavoleńnia Vasila Zankieviča, u turmie jość raniej sudzimyja i niesudzimyja, zusim niepiśmiennyja i tyja, u kaho nie adzin dypłom ab vyšejšaj adukacyi.
"Samomu starejšamu pastajalcu turmy było 60 hadoŭ, kali jaho pieraviali na palepšanyja ŭmovy ŭtrymańnia ŭ VK-13 ŭ Hłybokaje: prahułki daŭžejšyja, pasyłak, pieradač i spatkańniaŭ bolš, a zamiest kamiery - žyłoje pamiaškańnie kazarmiennaha typu, - kaža supracoŭnik pienitencyjarnaj sistemy. - Takaja mahčymaść źjaŭlajecca va ŭsich žodzinskich pažyćciovikaŭ paśla dziesiaci hadoŭ znachodžańnia ŭ turmie pry ŭmovie adsutnaści surjoznych parušeńniaŭ praviłaŭ unutranaha rasparadku. Jašče praź dziesiać hadoŭ administracyja kałonii maje prava chadajničać pierad sudom ab zamienie pažyćciovaha źniavoleńnia na peŭny termin pazbaŭleńnia voli".
U materyjale raspaviadajecca, što "ŭ "vaśmiorcy" śpieckantynhient sočyć za navinami z teleprahram i drukavanych vydańniaŭ, spadziejučysia na pasłableńni ŭ zakanadaŭstvie. Akramia taho, vyvučajuć movy, vypisvajuć z prapanavanaha katałoha litaraturu. Raz na dziesiać dzion siadzielcam pradastaŭlajucca knihi i presa z turemnaj biblijateki. Jak praviła, pačynajuć ź lohkich rečaŭ, ale potym zadumvajucca ab žyćci i pieraklučajucca na kłasiku. Papularnyja Dastajeŭski, Puškin, Kupryn, Bunin, histaryčnyja tvory".
U kamierach u źniavolenych jość razietka, radyjokropka, knopka vykliku dziažurnaha kantralora. Kožnyja 15 chvilin dziažurny hladzić u vočka. Paśla adboju pieramiaščeńnie pa kamiery zabaroniena.Možna chiba što schadzić pa patrebie. Aśviatleńnie nočču słaboje, ale jaho całkam dastatkovaje, kab supracoŭnikam vieści nazirańnie, a źniavolenym spakojna spać. Parušalnikaŭ režymu ŭtrymańnia mohuć źmiaścić u štrafny izalatar na termin da 10 sutak.
Režym nadzvyčaj surovy, adznačajecca ŭ materyjale. Za miežami žyłoha siektara asudžanym z paznakaj "PZ" na robie pierasoŭvacca dazvolena, sahnuŭšysia napałovu, nohi šyrej pleč, ruki ŭ kajdankach zzadu, vysoka padniatyja, palcy rastapyrany. Padymać hałavu, razhinacca zabaroniena,kamandy vykonvajucca nieadkładna, kožnaha asudžanaha supravadžajuć dva kantralory z sabakam.
Špacyr u asudžanych - 30 chvilin. Prahułačny dvoryk - takaja ž kamiera, tolki zamiest stoli - kraty.
U hod źniavoleny pažyćciova maje prava atrymać 1 pasyłku da 30 kh, dva karotkaterminovyja spatkańni da čatyroch hadzin, dva razy na miesiac možna atavarycca ŭ kramie izalatara pa bieznajaŭnym raźliku. Mahčyma atrymańnie knižnaj banderoli i rečavaj pieradačy.
