Kolkaść nasielnictva Biełarusi na 1 lutaha 2013 hoda skłała 9 młn. 462,4 tys. čałaviek. Za studzień hetaha hoda jana skaraciłasia na 1,4 tys. čałaviek.
Jak paviedamlaje Nacyjanalny statystyčny kamitet, u studzieni 2013 hoda ŭ krainie naradzilisia 10.266 dziaciej, što na 1.527 dziaciej bolš, čym u studzieni 2012 hoda, pamior 12.491 čałaviek, abo na 1.126 čałaviek bolš. Naturalnyja straty nasielnictva skłali 2.225 čałaviek.
U studzieni 2013 hoda ŭ paraŭnańni sa studzieniem 2012 hoda kolkaść zarehistravanych šlubaŭ pavialičyłasia na 21,8%, kolkaść razvodaŭ źmienšyłasia na 24,3%. Za zhadany pieryjad na 1.000 šlubaŭ prypadała 578 razvodaŭ, u studzieni 2012 hoda — 930 razvodaŭ.
Mihracyjny pryrost u studzieni 2013 hoda ŭ paraŭnańni z anałahičnym pieryjadam 2012 hoda pavialičyŭsia na 28,3% i skłaŭ 820 čałaviek. Stanoŭčaje salda mihracyi źmienšyła naturalnyja straty nasielnictva na 36,9% (u studzieni 2012 hoda — na 24,3%).
