U Voranaŭskim rajonie ad ruk muža paciarpieła 33-hadovaja žančyna.
Jak paviedamili ŭ adździaleńni infarmacyi i hramadskich suviaziaŭ UUS Hrodzienskaha abłvykankama, złačynstva było ŭčyniena 23 lutaha ŭ vioscy Lalušy. U pracesie vyśviatleńnia adnosinaŭ mužčyna pluchnuŭ na žonku bienzinam z kanistry i padpaliŭ. Usia ŭ ahni žančyna vybiehła na vulicu, dzie patušyć połymia joj dapamahła susiedka.
Svaju vinu va ŭčynienym muž, jaki nie vyznačajecca dobrymi pavodzinami, pryznaje i paviedamlaje, što takim čynam chacieŭ napałochać žonku.Apošniaja, u svaju čarhu, kaža, što zaharełasia vypadkova, kali pry dapamozie bienzinu sprabavała raspalić pieč. U paciarpiełaj apioki tvaru, šyi i ruk.
Kryminalnaja sprava raspačata na padstavie č. 2 art. 149 KK (naŭmysnaje naniasieńnie mienš ciažkaha cialesnaha paškodžańnia).
0
0
0
0
0
0
