Top‑śpiavačku RB rychtujuć da «Dažynak».
U litaralnym sensie ŭ palach prachodzić značnaja častka vystupleńniaŭ Iryny Darafiejevaj, jakaja sa svaim kalektyvam nakiravałasia z pačatku žniŭnia ŭ vialiki kancertny tur. Sacyjalny kancertny tur, jaki atrymaŭ nazvu «Pad mirnym niebam», prachodzić štohod u pieryjad uborki zbožžavych. Sioleta jon pralahaje praz Homielskuju i Minskuju vobłasci.
Razam sa śpiavačkaj u skład «artystyčnaj bryhady» ŭvachodziać jaje muzykanty i artysty «Teatra piesni Iryny Darafiejevaj». Hetaksama paŭsiul artystaŭ supravadžaje pradziusar Juryj Savaš i hukarežysior, jakomu davodzicca padładžvacca pad samyja nievierahodnyja ŭmovy. A jany sapraŭdy pachodna‑palavyja: dniom kancerty adbyvajucca ŭ ahraharadkach, palach i na ziernietakach, kab nie adciahvać miechanizataraŭ i kambajnieraŭ ad napružanaj pracy; uviečary ž kalektyŭ vystupaje ŭ rajcentrach — pieravažna na adkrytych kancertnych placoŭkach, stadyjonach i płoščach. Bolšaja častka kancertaŭ — biezhanararnaja, vyklučna na entuzijaźmie i tvorčym impecie.
U prahramie «Pad mirnym niebam» jość šerah kampazicyj, jakija kožny raz vykonvajucca abaviazkova: «Biełaja Ruś» Izmaiła Kapłanava, «Biełaruś mocnaja» Siarhieja Suchamlina, «Serca ziamli majoj» i inšyja novyja piesni Kima Brejtburha.
Kancertny tur startavaŭ 1 žniŭnia z Kalinkavickaha rajona, dalej śpiavačka i jaje kalektyŭ nakiravalisia ŭ Jelsk. Siońnia Iryna Darafiejeva vystupaje ŭ Baranavičach, dzie ŭdzielničaje ŭ śviatkavanni Dnia čyhunačnika. Viadomy i raskład tura na bližejšy čas: 4 žniŭnia artysty dali kancerty ŭ Lelčycach i vioscy Hłuškievičy, 5 žniŭnia vystupili na placoŭkach u Śvietłahorsku i vioscy Piečyščy, 6 žniŭnia — u Dobrušy i vioscy Nasovičy. Sama Iryna Darafiejeva adznačaje, što joj zaŭždy pryjemna navat prosta prajazdžać praz Dobruš, bo z tutejšych miascinaŭ rodam matula artystki.
Finišuje kancertny tur, jak płanujecca, na respublikanskim śviacie «Dažynki‑2007».
