Pieramohšy ŭ matčy 28-ha tura čempijanatu Hiermanii «Ajntracht» (1:0), «Bavaryja» zabiaśpiečyła sabie čempijonstva.
Paśla 28 matčaŭ u aktyvie miunchiencaŭ 75 ačkoŭ, u bližejšaha pieraślednika dortmundskaj «Barusii» - 55 bałaŭ.
Hety trafiej staŭ pieršym dla «Bavaryi» ź leta 2012 hoda, kali kamanda vyjhrała Supierkubak Hiermanii. U minułym siezonie «Bavaryja» zaniała druhoje miesca ŭ čempijanacie i dajšła da finału Kubka Hiermanii i Lihi čempijonaŭ, dzie paciarpieła parazy.
Apošni raz «Bavaryja» stanaviłasia čempijonam u siezonie-2009/2010. U minułym i pazaminułym siezonie tytuł vyjhravała dortmundskaja «Barusija». Bolš, čym «Bavaryja», čempijanat Hiermanii nie vyjhravaŭ nivodny z kłubaŭ.
0
0
0
0
0
0
