Alaksandr Łukašenka 12 krasavika padpisaŭ ukaz №168 «Ab niekatorych mierach pa aptymizacyi sistemy dziaržaŭnych orhanaŭ i inšych dziaržaŭnych arhanizacyj, a taksama kolkaści ich rabotnikaŭ». Infarmacyju pra heta raspaŭsiudziła pres-słužba prezidentury.
Jak i mierkavałasia, dakumient praduhledžvaje skaračeńnie kolkaści rabotnikaŭ dziaržaŭnych orhanaŭ i arhanizacyj «u siarednim na 25%».
Ukaz zaćviardžaje novuju typovuju strukturu vykankamaŭ, paradak vyznačeńnia kolkaści rabotnikaŭ aparataŭ kancernaŭ, dziaržaŭnych ustanoŭ, niepasredna padparadkavanych respublikanskim orhanam dziaržkiravańnia, biudžetnych arhanizacyj, što finansujucca ź biudžetaŭ abłasnoha, bazavaha i nizavoha ŭzroŭniaŭ.
Ukaz rychtavali kiraŭnik Administracyi prezidenta Andrej Kabiakoŭ i pamočnika prezidenta Natalla Piatkievič.
«Kolkaść supracoŭnikaŭ haradskich (haradoŭ abłasnoha padparadkavańnia), rajonnych vykanaŭčych kamitetaŭ i miascovych administracyj rajonaŭ u haradach, haradskich (haradoŭ rajonnaha padparadkavańnia), sielskich, pasiałkovych vykanaŭčych kamitetaŭ vyznačajecca abłasnymi, Minskim haradskim vykankamami ŭ miežach kolkasci rabotnikaŭ, zamacavanaj u ŭkazie», — cytuje pres-słužbu BiełTA.
Praduhledžvajucca i peŭnyja zachady pa sacabaronie zvolnienych. Hetak, skaročanym dziaržsłužačym na pieryjad da ŭładkavańnia na novaje miesca pracy, ale nie bolš čym na adzin hod z dnia zvalnieńnia budzie nadadziena adterminoŭka na pahašeńnie kredytaŭ na budaŭnictva abo nabyćcio žylla, a taksama dla apłaty navučańnia pry atrymańni pieršaj vyšejšaj adukacyi ich dziećmi.
Lečkamisija i inšyja biaspłatnyja śpiecpalikliniki? Zvolnienyja dziaržsłužboŭcy taksama zachavajuć da ich dostup — «prava na miedycynskaje absłuhoŭvańnie va ŭstanovach achovy zdaroŭja, u jakich jany absłuhoŭvalisia da zvalnieńnia».
Ukaz ustupaje ŭ siłu ź siońniašniaha dnia, 12 krasavika 2013 hoda. Skaračeńni majuć adbycca da 1.07.2013.
Miarkujecca, što źmianšeńnie kolkaści čynoŭnikaŭ daść mahčymaść pavysić zarobki tym, chto pracu zachavaje.
