Pavodle źviestak rasśledavańnia Ministerstva abarony Biełarusi, parušeńnia pavietranaj prastory Litvy źniščalnikam MiH-29 nie było,zajaviŭ pres-sakratar Minabarony Uładzimir Makaraŭ.
«Palot ažyćciaŭlaŭsia biez parušeńnia pavietranaj prastory», — skazaŭ jon.
Nahadajem, 18 krasavika MZS Litvy pieradało pasolstvu Biełarusi ŭ Vilni notu z prośbaj «padać vyčarpalnuju infarmacyju pra fakt parušeńnia litoŭskaj pavietranaj prastory samalotam biełaruskich VPS i pryniać miery dla praduchileńnia takich incydentaŭ u budučyni».
Jak paviedamiła litoŭskaje MZS, 17 krasavika ŭ 13.05 biełaruski MiH-29 parušyŭ pavietranuju prastoru Litvy ŭ rajonie vioski Paharenda Varenskaha rajona. Na terytoryi Litvy samalot znachodziŭsia pryblizna dźvie chviliny.
18 krasavika Minabarony Biełarusi apublikavała papiarednija vyniki pravierki. Ustanoŭlena, što 17 krasavika prykładna ŭ 13.00 radyjotechničnymi srodkami było vyjaŭlena parušeńnie dziaržaŭnaj miažy Biełarusi ŭ pavietranaj prastory ŭ rajonie Hrodna, paviedamiła Minabarony. Dla spynieńnia parušeńnia byŭ zadziejničany źniščalnik MiH-29 sa składu dziažurnych sił pa supraćpavietranaj abaronie, jaki ažyćciaŭlaŭ palot uzdoŭž dziaržmiažy. U dalejšym parušeńnie pavietranaj prastory było identyfikavana jak mihracyja čarady ptušak.