Sustreča Paŭła Vinahradava z Akreścina pierarasła ŭ nievialiki pierfomans dziakujučy našumieŭšamu adkrytamu listu, jaki źjaviŭsia ŭ internecie paśla čarhovaj pasadki lidara «Źmieny». U im Vinahradaŭ vykazaŭ upeŭnienaść, što z «sutak» jaho buduć sustrakać usie lidary apazicyjnych ruchaŭ, arhkamitetaŭ i partyj.
Vyjšaŭšy z bramy śpiecpryjomnika-raźmierkavalnika, Pavieł adrazu viadzie ŭsich da vialikaha bieł-čyrvona-biełaha pazła. Pa zadumie Vinahradava, jaho kavałki treba było razdać usim zaprošanym lidaram.
«Zaraz ja budu razdavać kavałački. Adzin kavałačak adnamu lidaru, druhi kavałak – druhomu! Dzie tut Labiedźka?» - pytajecca Vinahradaŭ.
Marna. Labiedźki niama. Niama i Rymašeŭskaha, Janukieviča, Ivaškieviča, Kalakina. Tamu svaje kavałki pazła atrymoŭvajuć tolki prysutnyja Uładzimir Niaklajeŭ i Uładzimir Mackievič. Inšyja častki raźbirajuć aktyvisty, abiacajučy pieradać ich svaim lidaram.
0
0
0
0
0
0
